இந்த 7 சீட்டர் காரை நம்பி போகலாம்..ரெனால்ட் ட்ரைபர் கொடுத்த சர்ப்ரைஸ் கிஃப்ட்!

புதிய அம்சங்கள் மற்றும் விலை உயர்வுடன் 2025 ரெனால்ட் ட்ரைபர் இந்தியாவில் அறிமுகம். என்ட்ரி லெவல் முதல் உயர் ரக வகைகள் வரை புதிய அம்சங்கள் கிடைக்கின்றன.

புதிய ட்ரைபர் எம்பிவியை இந்தியாவில் அறிமுகப்படுத்தியுள்ளது பிரெஞ்சு வாகன பிராண்டான ரெனால்ட் இந்தியா. ₹6.10 லட்சம் முதல் ₹8.75 லட்சம் வரையிலான விலை வரம்பில் 2025 ரெனால்ட் ட்ரைபர் இந்தியாவில் வெளியிடப்பட்டுள்ளது. என்ட்ரி லெவல் RXE, RXT வேரியண்ட்களுக்கு ₹10,000 விலை உயர்வு ஏற்பட்டுள்ளது. அதேசமயம் RXL வேரியண்ட்டுக்கு ₹20,000 விலை உயர்வு ஏற்பட்டுள்ளது. RXT AMT வேரியண்ட் புதுப்பிக்கப்பட்ட மாடல் வரிசையில் இருந்து நீக்கப்பட்டது.

உயர் RXZ, RXZ AMT வேரியண்ட்களின் விலையில் மாற்றமில்லை. RXE- ₹6.10 லட்சம், RXL-₹7 லட்சம், RXT-₹7.71 லட்சம், RXZ-₹8.23 லட்சம், RXZ AMT ₹8.75 லட்சம் என்பன புதிய காரின் வேரியண்ட் வாரியான எக்ஸ் ஷோரூம் விலைகள். ₹10,000 விலை உயர்வுடன், என்ட்ரி-லெவல் RXE டிரிம் சென்ட்ரல் லாக்கிங் சிஸ்டம், நான்கு பவர் விண்டோக்கள் என இரண்டு கூடுதல் அம்சங்களை வழங்குகிறது. முன்பு, மிட்-லெவல் RXT டிரிம் முதல் மட்டுமே இந்த அம்சங்கள் கிடைத்தன.

₹20,000 விலை உயர்வு பெற்ற RXL வேரியண்ட்டில் இப்போது ரியர் ஸ்பீக்கர்கள், ஆண்ட்ராய்டு ஆட்டோ, ஆப்பிள் கார்ப்ளே ஆதரவுடன் 8 இன்ச் டச்ஸ்கிரீன் இன்ஃபோடெயின்மென்ட் சிஸ்டம், ரிவர்ஸ் பார்க்கிங் கேமரா ஆகியவை கிடைக்கின்றன. உயர் RXZ டிரிம் இப்போது 15 இன்ச் ஃப்ளெக்ஸ் வீல்களுடன் பொருத்தப்பட்டுள்ளது. அதாவது, இப்போது ரெனால்ட் ட்ரைபரின் அனைத்து வேரியண்ட்களிலும் ஸ்டாண்டர்ட் அம்சமாக நான்கு பவர் விண்டோக்கள் மற்றும் ரிமோட் சென்ட்ரல் லாக்கிங் வழங்கப்படுகிறது.

RXL மற்றும் அதற்கு மேற்பட்ட வேரியண்ட்கள் ஆண்ட்ராய்டு ஆட்டோ, ஆப்பிள் கார்ப்ளே ஆகியவற்றை ஆதரிக்கும் 8 இன்ச் டச்ஸ்கிரீன் இன்ஃபோடெயின்மென்ட் சிஸ்டத்துடன் வருகின்றன. ரியர் வியூ கேமரா போன்ற ஸ்மார்ட் அம்சங்களும் சேர்க்கப்பட்டுள்ளன. அனைத்து வேரியண்ட்களிலும் 17 பாதுகாப்பு அம்சங்களுடன் ரெனால்ட் இந்தியா 2025 ட்ரைபரை மேலும் பாதுகாப்பானதாக மாற்றியுள்ளது.

2025 ரெனால்ட் ட்ரைபரில் அதே 1.0L, 3-சிலிண்டர் நேச்சுரலி ஆஸ்பிரேட்டட் பெட்ரோல் எஞ்சின் தான் பொருத்தப்பட்டுள்ளது. இந்த எஞ்சின் அதிகபட்சமாக 72bhp பவரையும் 96Nm டார்க்கையும் உருவாக்குகிறது. டிரான்ஸ்மிஷன் தேர்வுகளில் 5-ஸ்பீட் மேனுவல் மற்றும் டாப்-எண்ட் RXZ AMT வேரியண்ட்களில் ஐந்து ஸ்பீட் AMT யூனிட்டும் அடங்கும்.

ரெனால்ட் இந்தியாவின் வாகன வரிசையில் உள்ள ஒரே 7 சீட்டர் கார் ரெனால்ட் ட்ரைபர். நாட்டின் மிகவும் விலை குறைந்த 7 சீட்டர் எம்பிவியாகவும் இது கருதப்படுகிறது. இந்திய சந்தையில் இது மாருதி எர்டிகாவுடன் போட்டியிடுகிறது. 7 சீட்டர் என்றாலும், மாருதியின் ஸ்விஃப்ட், பலேனோ போன்ற கார்களை விட விலை மிகவும் குறைவு என்பது சிறப்பு ஆகும்.