Oct 12, 2022, 5:20 PM IST
சென்னையைத் தொடர்ந்து மதுரை மாநகர் பாண்டி கோவில் பகுதியில் உள்ள மேம்பாலத்தில் நள்ளிரவு நேரங்களில் சாலை மறித்து பைக் ரேஸ் நடத்தியதாக கூறப்படுகிறது. இதுதொடர்பான வீடியோ சமூக வலைத்தளங்களில் பரவி வருகிறது. பாண்டி கோவிலில் இருந்து கோமதிபுரம் செல்லக்கூடிய சாலை அதிவேகமாக சாகசத்தில் ஈடுபட்டதாக தெரிகிறது. பொதுமக்கள் அமைதிக்கு குந்தகம் விளைவிக்கும் வகையில் ஈடுபட்ட நபர்களை போலீசார் வலைவீசித் தேடி வருகின்றனர். பைக் ரேஸில் ஈடுபட்ட வாலிபர் மீது கடுமையான நடவடிக்கை எடுக்க வேண்டும் என பொதுமக்களும் கோரிக்கை விடுத்ததுள்ளனர்.