இவங்க மறந்து கூட மாம்பழம் சாப்பிடக் கூடாது...சாப்பிட்டால் என்ன ஆகும் தெரியுமா?

பொதுவாக சீசனில் தோன்றும் பழங்கள் உடலுக்கு மிகவும் நல்லது என்பார்கள். தற்போது மாம்பழ சீசன் துவங்கி விட்டதால் மாம்பழ விற்பனை அதிகரிக்க துவங்கி விட்டது. ஆனால் மாம்பழங்களை அனைவரும் சாப்பிடுவது நல்லது அல்ல. சிலர் மறந்தும் கூட மாம்பழங்களை சாப்பிடக் கூடாது.

மாம்பழம் சுவையான பழம். முக்கனிகளில் ஒன்றாகும். அதில் நிறைய சத்துக்கள் உள்ளன. ஆனால் நிறைய சாப்பிட்டால் உடல் நலத்திற்கு கெடுதல் ஏற்படும். உடல் பருமன், வயிற்று வலி, நீரிழிவு நோய் உள்ளவர்கள், சரும பிரச்சனை உள்ளவர்கள் மாம்பழத்தை கவனமாக சாப்பிட வேண்டும். 

மாம்பழத்தில் உள்ள சத்துக்கள் :

மாம்பழம் சத்துக்கள் நிறைந்தது. மாம்பழத்தில் வைட்டமின் சி, வைட்டமின் ஏ, வைட்டமின் கே, வைட்டமின் ஈ, பி வைட்டமின்கள், பொட்டாசியம், தாமிரம் மற்றும் நார்ச்சத்து போன்ற பல முக்கியமான சத்துக்கள் நிறைந்துள்ளன. இவை உடலின் பல்வேறு செயல்பாடுகளுக்கு உதவுகின்றன.

நோய் எதிர்ப்பு சக்தியை அதிகரிக்கும்: 

மாம்பழத்தில் உள்ள வைட்டமின் சி மற்றும் ஆன்டிஆக்சிடன்ட்கள் நோய் எதிர்ப்பு மண்டலத்தை வலுப்படுத்த உதவுகின்றன. இதனால் உடலில் நோய்கள் மற்றும் தொற்றுக்கள் ஏற்படுவது குறைகிறது. மாம்பழம் உடலுக்கு நல்லது. ஆனால் அதிகமாக சாப்பிட்டால் எடை கூடும். அதில் நிறைய கலோரிகள் உள்ளன. இதனால் உடல் பருமன் அதிகமாகும். தொப்பை போடும். கோடையில் நிறைய மாம்பழம் சாப்பிட்டால் வயிற்றுப்போக்கு வரும். வயிற்று வலியும் வரலாம். மாம்பழத்தில் அதிக நார்ச்சத்து உள்ளது. இது செரிமானத்தை பாதிக்கும்.

மேலும் படிக்க: பாரம்பரிய கிராமத்து நெத்திலி மீன் குழம்பு - இப்படி செய்தால் ஊரே மணக்கும்

மாம்பழம் பக்க விளைவுகள் :

மாம்பழத்தில் 14% சர்க்கரை உள்ளது. நீரிழிவு நோயாளிகள் இதை கவனத்தில் கொள்ள வேண்டும். அதிகமாக சாப்பிட்டால் இரத்தத்தில் சர்க்கரை அளவு அதிகரிக்கும். குறிப்பாக, இது நீரிழிவு நோயாளிகளுக்கு ஒரு பிரச்சனையாக மாறும். மாம்பழம் சூடான தன்மை கொண்டது. அதிகமாக சாப்பிட்டால் முகப்பரு வரும். கொப்புளங்கள் வரலாம். இது சருமத்தை பாதிக்கும். செரிமானத்திற்கும் மாம்பழம் நல்லது இல்லை. வயிற்றில் இருக்கும் நல்ல பாக்டீரியாக்களை இது பாதிக்கும்.

சர்க்கரை நோயாளிகளுக்கு ஆபத்தா ?

நீரிழிவு நோய் இருந்தால் மாம்பழத்தை குறைவாக சாப்பிட வேண்டும். இதனால் சர்க்கரை அளவு கட்டுப்பாட்டில் இருக்கும். உடல் நல பிரச்சனைகள் வராமல் தடுக்கலாம். மாம்பழத்தை அதிகமாக சாப்பிட்டால் அசிடிட்டி ஏற்படும். வயிற்றில் கனமாக இருப்பது போலவும், வாயு தொல்லை இருப்பது போலவும் இருக்கும். இதனால் அசௌகரியம் ஏற்படும். எனவே மாம்பழத்தை அளவோடு சாப்பிடுவது நல்லது.

மாம்பழம் சுவையாக இருந்தாலும், அதை அதிகமாக சாப்பிடக்கூடாது. உடல் நலத்தை கருத்தில் கொண்டு அளவோடு சாப்பிடுவது நல்லது.