Ambani House Job Vacancy: இந்தியாவின் மிகப்பெரிய பணக்காரரான முகேஷ் அம்பானி வீட்டில் வேலைக்குச் சேர ஆசைப்பட்டால், என்ன தகுதிகள் இருக்க வேண்டும்? என்ன தகுதிகளைப் பார்த்து வேலைக்கு எடுக்கிறார்கள்? முழு விவரம் உள்ளே.
முகேஷ் அம்பானியின் 'ஆண்டிலியா' இல்லத்தில் வேலைக்குச் சேருவது என்பது ஒரு அரசு வேலைக்குத் தேர்வாவது போல மிகவும் கடினமான மற்றும் கடுமையான ஒரு செயல்முறையாகும். அங்கு வேலை செய்யும் பணியாளர்களுக்குத் தங்குமிடம், உணவு, மருத்துவக் காப்பீடு மற்றும் பல லட்சம் ரூபாய் சம்பளம் வழங்கப்படுவதாகக் கூறப்படுகிறது. அம்பானி வீட்டில் வேலைக்குச் சேர என்ன தகுதிகள் வேண்டும்? எப்படி தேர்வு நடைபெறும் என்பது குறித்து இந்த பதிவில் விரிவாகப் பார்க்கலாம்.
பல்வேறு செய்தி நிறுவனங்களின் அறிக்கைகளின்படி, அம்பானி வீட்டில் ஒரு என்ட்ரி-லெவல் செஃப்புக்கு மாதம் சுமார் ரூ.1.5 லட்சத்தில் இருந்து ரூ.2 லட்சம் வரை சம்பளம் கொடுக்கிறார்கள். சீனியர் அல்லது எக்ஸிகியூட்டிவ் செஃப் என்றால், மாதம் ரூ.3 லட்சத்தில் இருந்து ரூ.5 லட்சம் அல்லது அதற்கும் மேல் சம்பளம் கிடைக்கும்.
செஃப் ஆக என்ன தகுதிகள் வேண்டும்? ஹோட்டல் மேனேஜ்மென்ட் அல்லது கல்னரி ஆர்ட்ஸில் டிகிரி/டிப்ளமோ முடித்திருக்க வேண்டும். ஏதாவது 5 ஸ்டார் ஹோட்டலில் வேலை பார்த்த அனுபவம் அவசியம். இந்திய மற்றும் சர்வதேச உணவுகள் செய்யத் தெரிந்திருக்க வேண்டும். சுகாதாரம் மற்றும் உணவுப் பாதுகாப்பு விதிகளைப் பற்றியும் அறிந்திருக்க வேண்டும். ரகசியங்களைக் காப்பவராக இருக்க வேண்டும்.
அம்பானி வீட்டில் செஃப் வேலைக்கு, சமையல் தெரிந்தால் மட்டும் போதாது. இன்டர்வியூ மிகவும் கடினமாக இருக்கும். சுவையாக சமைப்பதோடு, உணவை அழகாக பரிமாறவும் தெரிந்திருக்க வேண்டும். எவ்வளவு பிரஷரிலும் வேலை செய்யும் திறன் இருக்கிறதா என்று சோதிப்பார்கள். உங்கள் நடத்தை, பின்னணி என அனைத்தையும் சரிபார்த்த பிறகே வேலை உறுதியாகும். முகேஷ் அம்பானிக்கு குஜராத்தி, தென்னிந்திய உணவுகள் போன்ற எளிய இந்திய உணவுகள்தான் பிடிக்குமாம். அதனால், தினமும் இதுபோன்ற உணவுகள்தான் செய்ய வேண்டும்.
சமையல்காரர், மேலாளர் அல்லது ஓட்டுநர் என எந்தப் பணியாக இருந்தாலும், அதற்கான முறையான கல்வி அல்லது சான்றிதழ் (உதாரணமாக, ஐந்து நட்சத்திர ஹோட்டல்களில் பணிபுரிந்த அனுபவம் அல்லது கேட்டரிங் முடித்ததற்கான சான்றிதழ்) பெற்றிருக்க வேண்டும்.எந்தச் சூழ்நிலையிலும் பதற்றமடையாமல், ஒரே நேரத்தில் பல வேலைகளைத் துல்லியமாகச் செய்யும் திறன் இருக்க வேண்டும்.ஆங்கிலம் மற்றும் இந்தி மொழிகளில் சரளமாகப் பேசத் தெரிந்திருப்பது மிக முக்கியம்.
குற்றப் பின்னணிகள் எதுவும் இருக்கக்கூடாது.விண்ணப்பதாரரின் குடும்பப் பின்னணி, முந்தைய வேலை விவரங்கள் மற்றும் அவர்களின் குணம் குறித்துப் போலீஸ் மூலம் மிகத் தீவிரமான பின்னணி சரிபார்ப்பு (Background Check) நடத்தப்படும். அம்பானி குடும்பத்தின் தனிப்பட்ட விஷயங்கள், பாதுகாப்பு மற்றும் அன்றாட நிகழ்வுகள் குறித்த ரகசியங்களை எக்காரணம் கொண்டும் வெளியே சொல்ல மாட்டேன் என்ற ஒப்பந்தத்தில் கையெழுத்திட வேண்டும்.
அம்பானி குடும்பத்தினர் நேரடியாக ஆட்களை எடுப்பதில்லை. இதற்கென இருக்கும் முன்னணி மற்றும் நம்பகமான மனிதவள நிறுவனங்கள் மூலமாகவே தகுதியானவர்கள் தேர்ந்தெடுக்கப்படுகிறார்கள். ஓட்டுநராக இருந்தால், எவ்வளவு கடினமான சூழ்நிலையிலும் காரைச் சரியாக ஓட்டுகிறாரா என்பதை அறியத் தனியாகத் தேர்வுகள் நடத்தப்படும். சமையல்காரர்களுக்கு அவர்களின் சமையல் திறமையைச் சோதிக்கப் பலகட்ட தேர்வுகள் இருக்கும். பணியாளர்கள் அனைவரும் முழுமையான மருத்துவப் பரிசோதனைக்கு உட்படுத்தப்படுவார்கள். தொற்றுநோய்கள் ஏதேனும் இல்லாத, நல்ல உடற்தகுதி கொண்டவர்களே தேர்வு செய்யப்படுவர்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
