- Home
- Astrology
- Guru Peyarchi 2026: துலாம் நவாம்சத்தில் குரு பெயர்ச்சி.! கோடீஸ்வர யோகம் பெறும் 5 அதிர்ஷ்ட ராசிகள்.! 12 வருட கஷ்ட காலம் முடிவுக்கு வருது.!
Guru Peyarchi 2026: துலாம் நவாம்சத்தில் குரு பெயர்ச்சி.! கோடீஸ்வர யோகம் பெறும் 5 அதிர்ஷ்ட ராசிகள்.! 12 வருட கஷ்ட காலம் முடிவுக்கு வருது.!
Astrology Tamil: ஜூலை 19 ஆம் தேதி நவகிரகங்களில் சுபகிரகமாக விளங்கும் குரு பகவான், கடக ராசியில் உள்ள பூச நட்சத்திரத்தின் மூன்றாம் பாதத்திற்குள் பிரவேசிக்கிறார். இதனால் அதிர்ஷ்டம் பெறும் 5 ராசிகள் பற்றி இங்கு விரிவாகப் பார்க்கலாம்.
Astrology Tamil - Guru Peyarchi 2026
ஜோதிட சாஸ்திரப்படி, பூச நட்சத்திரம் என்பது சனியின் ஆதிக்கத்திற்கு உட்பட்டது என்றாலும், இது மிகவும் புனிதமான மற்றும் மங்களகரமான நட்சத்திரமாக கருதப்படுகிறது. மேலும், பூச நட்சத்திரத்தின் 3-ஆம் பாதம் என்பது துலாம் நவாம்சத்தில் (சுக்கிரனின் வீடு) வருகிறது. குருவின் அறிவு, சனியின் ஒழுக்கம் மற்றும் சுக்கிரனின் லௌகீக சுகங்கள் ஆகியவை இணைந்து இந்த காலகட்டத்தில் சில குறிப்பிட்ட ராசிகளுக்கு அபரிமிதமான நன்மைகளையும், அதிர்ஷ்டத்தையும் தரப்போகின்றன. இந்த குரு பெயர்ச்சியால் பெரும் பலன்களைப் பெறப்போகும் ராசிகள் மற்றும் பலன்கள் பற்றி இங்கு காணலாம்.
இதையும் படியுங்கள் -Astrology Tamil: சுக்கிர புத்தி ஆரம்பம்.! அடுத்த 6 மாதம் 5 ராசிகளுக்கு ராஜயோகம்.! இனி இவர்கள் தொட்டதெல்லாம் தங்கமாகும்.!
கடக ராசி
கடக ராசியில் தான் குரு பகவான் உச்சம் பெற்று விளங்குகிறார். தற்போது பூச நட்சத்திரத்தின் 3-ஆம் பாதத்திற்குள் அவர் நுழைவதால், உங்களுக்குள் இருந்த குழப்பங்கள் நீங்கி புதிய தெளிவு பிறக்கும். உங்கள் திறமைக்கு தகுந்த அங்கீகாரம் கிடைக்கும். புதிய பொறுப்புகள் உங்களைத் தேடி வரும். குடும்பத்தில் இருந்த மனஸ்தாபங்கள் நீங்கி, ஒற்றுமை பலப்படும். நீண்ட நாட்களாக வராமல் இருந்த பணம் கைசேரும். சேமிப்பு உயரும்.
இதையும் படியுங்கள் - Astrology Tamil: இந்த 5 ராசியில் பிறந்தவர்களுக்கு எதிரிகள் அதிகம் இருப்பார்களாம்.! உங்க ராசி இருக்கா?
கன்னி ராசி
கன்னி ராசிக்கு குரு பகவான் லாப ஸ்தானத்தில் (11-ஆம் இடம்) சஞ்சரிக்கிறார். பூச நட்சத்திர சஞ்சாரம் உங்களுக்குப் பொருளாதார ரீதியாகப் பல வழிகளில் லாபத்தைத் தரும். கூட்டுத் தொழிலில் பெரும் லாபம் கிடைக்கும். புதிய முதலீடுகள் செய்ய இது சாதகமான காலம். உங்கள் சமூக வட்டம் விரிவடையும். முக்கியப் புள்ளிகளின் நட்பு மூலம் புதிய வாய்ப்புகள் கதவைத் தட்டும். கடன்கள் படிப்படியாக குறையும். எதிர்பார்த்ததை விட லாபம் இருமடங்காகும்.
இதையும் படியுங்கள் - Sani Peyarchi 2026: கொட்டி கொடுக்கப் போகும் சனி பகவான்.! 2026 இறுதி தொடங்கி, உச்சத்துக்கு செல்லப்போகும் 5 ராசிகள்.!
விருச்சிக ராசி
விருச்சிக ராசிக்கு குரு பகவான் ஒன்பதாம் இடமான பாக்கிய ஸ்தானத்தில் சஞ்சரிப்பது மிகச் சிறந்த பலன்களைத் தரும். பூச நட்சத்திர மாற்றம் உங்கள் அதிர்ஷ்டத்தை இரட்டிப்பாக்கும். ஆன்மீகப் பயணங்கள் மற்றும் வெளிநாட்டுப் பயணங்களுக்கான வாய்ப்புகள் கூடி வரும். தந்தையுடனான உறவு பலப்படும். பித்ருக்களின் ஆசீர்வாதம் முழுமையாகக் கிடைக்கும். பூர்வீக சொத்துக்கள் மூலம் ஆதாயம் உண்டாகும். தடைபட்டுக் கொண்டிருந்த சுபகாரியங்கள் (திருமணம், வீடு கட்டுதல் போன்றவை) தடையின்றி நடக்கும்.
இதையும் படியுங்கள் - Numerology: இந்த எண்களில் பிறந்தவர்களுக்கு தாமதமாகத் திருமணம் நடந்தாலும், கடவுள் போன்ற துணையைப் பெறுவார்களாம்.!
மகர ராசி
மகர ராசிக்கு குரு பகவான் ஏழாம் இடமான களத்திர ஸ்தானத்தில் சஞ்சரிக்கிறார். பூச நட்சத்திரத்தின் 3-ஆம் பாதம் சுக்கிரனின் நவாம்சத்திற்குள் வருவதால், உங்களுக்குத் தனிப்பட்ட வாழ்க்கையிலும் கூட்டுத் தொழிலிலும் சிறப்பான பலன்கள் கிடைக்கும். திருமணமாகாதவர்களுக்கு நல்ல வரன் அமைந்து திருமணம் கைகூடும். கணவன்-மனைவி இடையே அன்யோன்யம் அதிகரிக்கும். புதிய தொழில் கூட்டாளிகள் அமைவார்கள். அவர்களின் ஆலோசனைகள் உங்களுக்குப் பெரும் வெற்றியைத் தரும். உத்தியோகத்தில் சக ஊழியர்களின் ஆதரவு முழுமையாகக் கிடைக்கும்.
இதையும் படியுங்கள் - Aadi Month 2026: ஆடி மாதம் அம்மனை வீட்டுக்கு அழைப்பது எப்படி? தேச மங்கையர்கரசி கூறும் ரகசியம்.!
மீன ராசி
மீன ராசிக்கு குரு பகவான் ஐந்தாம் இடமான பூர்வ புண்ணிய ஸ்தானத்தில் சஞ்சரிப்பது உங்களின் புண்ணியக் கணக்கை உயர்த்தும். நீண்ட நாட்களாகக் குழந்தை பாக்கியத்திற்காகக் காத்திருந்தவர்களுக்கு நல்ல செய்தி தேடி வரும். குழந்தைகளின் கல்வி மற்றும் முன்னேற்றத்தில் நல்ல வளர்ச்சி இருக்கும். மாணவர்கள் கல்வியில் சிறந்து விளங்குவர். கலைத்துறையில் இருப்பவர்களுக்குப் புதிய வாய்ப்புகளும் புகழும் கிடைக்கும். பங்குச்சந்தை மற்றும் நீண்ட கால முதலீடுகளில் நல்ல லாபம் காண முடியும்.
(பொறுப்பு துறப்பு: இந்தக் கட்டுரையில் குறிப்பிடப்பட்டுள்ள தகவல்கள் அனைத்தும் ஜோதிட கருத்துக்கள், மத நூல்கள், பஞ்சாங்கம் ஆகியவற்றை அடிப்படையாகக் கொண்டவை. இதை ஏசியாநெட் தமிழ் நிறுவனம் சரி பார்க்கவில்லை. தகவல்களை வழங்குவது மட்டுமே எங்கள் நோக்கம். இதன் துல்லியம், நம்பகத்தன்மை மற்றும் விளைவுகளுக்கு ஏசியாநெட் தமிழ் நிறுவனம் எந்த வகையிலும் பொறுப்பேற்காது)
