Alcohol Sales in Supermarkets: மது எளிதாகக் கிடைப்பதால் கண்ட கண்ட இடங்களில் குடிக்கலாம் என நினைக்கக் கூடாது. பல நகரங்களில் பூங்காக்கள், சாலைகள் போன்ற பொது இடங்களில் மது அருந்த தடை உள்ளது.
இந்தியாவில் மது வாங்க தனி கடைக்குச் செல்ல வேண்டும். ஆனால், அமெரிக்காவின் பல மாகாணங்களில் சூப்பர் மார்க்கெட்டிலேயே மதுபானங்கள் விற்கப்படுகின்றன. காய்கறிகள், பழங்கள், பால் போன்றவற்றுடன் பீர், ஒயின் போன்றவையும் தனிப் பிரிவில் கிடைக்கும். இது ஒரு சாதாரண நுகர்வோர் பொருளாகவே பார்க்கப்படுகிறது. ஆனால், இந்த விதி எல்லா மாகாணங்களுக்கும் பொதுவானது அல்ல. சில இடங்களில் விஸ்கி போன்ற கடின மதுபானங்கள் உரிமம் பெற்ற கடைகளில் மட்டுமே விற்கப்படும்.
25
ஒயின் முதல் விஸ்கி வரை
அமெரிக்காவின் பெரிய மளிகைக் கடைகளில் நூற்றுக்கணக்கான மதுபான பிராண்டுகள் அணிவகுத்து நிற்கும். உள்நாட்டு பிராண்டுகள் முதல் வெளிநாடுகளில் இருந்து இறக்குமதி செய்யப்பட்ட ஒயின், பீர், விஸ்கி வரை அனைத்தும் கிடைக்கும். விலை, நாடு, ஆல்கஹால் அளவு போன்ற விவரங்களைப் பார்த்து வாடிக்கையாளர்கள் தங்களுக்குப் பிடித்தமான பிராண்டை தேர்வு செய்யலாம். பண்டிகை நாட்களில் தள்ளுபடியில் கிடைக்கின்றன.
35
வயது, அடையாள அட்டை கட்டாயம்
அமெரிக்காவில் மதுபானம் வாங்க குறைந்தபட்ச 21 வயதாகும். இது நாடு முழுவதும் உள்ள முக்கிய விதி. இளவயதினராகத் தெரிந்தால், விற்பனையாளர் கண்டிப்பாக அரசாங்க அடையாள அட்டையைக் (ID) கேட்பார். ஓட்டுநர் உரிமம் அல்லது பாஸ்போர்ட் காட்டிய பிறகே மதுபானம் விற்கப்படும். 21 வயதுக்குட்பட்டவர்களுக்கு விற்றால், கடை உரிமையாளர்களுக்குக் கடுமையான அபராதம் மற்றும் உரிமம் ரத்து போன்ற நடவடிக்கைகள் எடுக்கப்படும்.
மது எளிதாகக் கிடைப்பதால் கண்ட கண்ட இடங்களில் குடிக்கலாம் என நினைக்கக் கூடாது. பல நகரங்களில் பூங்காக்கள், சாலைகள் போன்ற பொது இடங்களில் மது அருந்த தடை உள்ளது. மீறினால் அபராதம் விதிக்கப்படும். குறிப்பாக, குடித்துவிட்டு வாகனம் ஓட்டினால் அமெரிக்காவில் சட்டங்கள் மிகக் கடுமையானவை. ரத்தத்தில் ஆல்கஹால் அளவு (BAC) வரம்பைத் தாண்டினால், கடும் அபராதம், ஓட்டுநர் உரிமம் ரத்து, சிறைத் தண்டனை கூட கிடைக்கலாம். இதனால்தான் அங்கு 'Don't Drink and Drive' விழிப்புணர்வு அதிகம்.
55
மது வாங்குவது சுலபம்.. விதிகள் கடுமை
அமெரிக்காவின் மதுபானக் கொள்கை 'வெளிப்படையாக, சட்டப்பூர்வமாக, பொறுப்புடன்' (Openly, Legally and Responsibly) என்ற அடிப்படையில் செயல்படுகிறது. மதுபானம் என்பது மறைத்து விற்கப்படும் பொருள் அல்ல, அது சட்டப்படி கட்டுப்படுத்தப்பட்ட ஒரு தயாரிப்பு. வாடிக்கையாளருக்கு சுதந்திரம் கொடுக்கும் அதே வேளையில், அந்த சுதந்திரத்தை பொறுப்புடன் பயன்படுத்த வேண்டும் என சட்டங்கள் கூறுகின்றன. சில மாகாணங்களில் ஞாயிற்றுக்கிழமை விற்பனைக்குக் கட்டுப்பாடுகள் உண்டு. மொத்தத்தில், அமெரிக்காவில் மது வாங்குவது சுலபம், ஆனால் அதைப் பயன்படுத்துவதில் விதிகள் மிக கடுமையானதாக உள்ளது.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
