நடிகை நயன்தாராவும் அவருடைய நீண்ட நாள் காதலன் விக்னேஷ் சிவனும் கடந்த 2022-ம் ஆண்டு திருமணம் செய்துகொண்டனர். இந்த ஜோடிக்கு உயிர், உலக் என இரட்டை ஆண் குழந்தைகளும் உள்ளன.
திருமணத்துக்கு முன்பே ஜோடியாக வெளிநாட்டுக்கு சுற்றுலா செல்வதை வழக்கமாக வைத்திருந்த விக்கி - நயன் ஜோடி திருமணத்துக்கு பின்னரும் அதை கடைபிடித்து வருகின்றனர்.
அந்த வகையில் தற்போது இருவரும் ஜோடியாக சவுதி அரேபியாவிற்கு சுற்றுலா சென்றிருக்கிறார்கள். உடன் குழந்தைகளையும் அழைத்து சென்றுள்ளனர்.
சவுதி அரேபியாவில் தற்போது கார் பந்தயம் நடைபெற்று வருகிறது. அதைக் காண தான் இருவரும் ஜோடியாக சென்றுள்ளனர். அங்கு எடுத்த புகைப்படங்களை தற்போது நயன்தாரா வெளியிட்டு இருக்கிறார்.
விக்கி - நயனின் லேட்டஸ்ட் ரொமாண்டிக் புகைப்படங்களை பார்த்த ரசிகர்கள், அதற்கு லட்சக் கணக்கில் லைக்குகளை போட்டு தங்கள் அன்பை வெளிப்படுத்தி வருகின்றனர்.
நயன்தாராவுக்கு போட்டியாக விக்னேஷ் சிவனும், கார் ரேஸ் பார்க்க சென்ற இடத்தில் நய்னுடன் எடுத்த போட்டோஸை இன்ஸ்டாவில் தட்டிவிட்டுள்ளார்.
அதில் மஞ்சக் காட்டு மைனா போல் மஞ்சள் நிறத்தில் கோட் சூட் அணிந்து ஹாலிவுட் ஹீரோயின் போல் செம்ம ஸ்டைலிஷாக காட்சியளிக்கிறார் நயன்தாரா.