பழம் பெரும் நடிகர் விஜயகுமாரின், இரண்டாவது மகளான மருத்துவர் அனிதாவின் மகள் தியாவின் திருமணம் பிப்ரவரி 19-ஆம் தேதி நடைபெற உள்ள நிலையில், தியாவின் திருமண ஏற்பாடுகள் களைகட்டி வருகிறது. மகளின் திருமணத்தை முன்னிட்டு வீட்டையே மலர்களால் அலங்கரித்துள்ளார் அனிதா. இதுகுறித்த புகைப்படங்கள் தற்போது வைரலாகி வருகிறது.
மஞ்சுளா - விஜயகுமார் தம்பதிற்கு வனிதா, ப்ரீத்தா, ஸ்ரீ தேவி என மூன்று மகள்கள் பிறந்தனர். இவர்கள் மூவருமே தன்னுடைய அம்மாவை போல் ஹீரோயினாக அறிமுகமாகி, திருமணத்திற்கு பின்னர் திரையுலகில் இருந்து விலகினர்.
ஆனால் இவர்களில் விதி விளக்கு என்றால்... வனிதா விஜயகுமார் தான். வனிதா தன்னுடைய அண்ணன் மற்றும் குடும்பத்தினர் மீது பாசத்தை பொழிந்தாலும், ஏனோ விஜயகுமார் குடும்பமே சில வருடங்களுக்கு முன் நடந்த பிரச்னையை காரணம் காட்டி இவரை தற்போது வரை ஒதுக்கி வைத்துள்ளனர்.
இந்த திருமணத்தில், தமிழ் திரையுலகை சேர்ந்த பல முக்கிய பிரபலங்கள் கலந்து கொள்ள உள்ளனர். குறிப்பாக, ரஜினிகாந்த், தனுஷ், சினேகா, அர்ஜுன் உள்ளிட்ட பல பிரபலங்களை நேரில் சந்தித்து திருமண அழைப்பிதழ் கொடுக்கப்பட்டுள்ளது.