இந்தியாவில் மலிவான பைக் எது என்று நீங்கள் யோசித்து, பட்ஜெட்டுக்கு ஏற்ற பைக்கைத் தேடிக்கொண்டிருக்கிறீர்கள் என்றால் உங்களுக்கான செய்தி தான் இது. இந்தியாவில் விற்பனையாகும் குறைந்த விலை பைக்குகள் பற்றி தெரிந்து கொள்ளுங்கள்.
ஹோண்டா ஷைன் நம்பகமான மற்றும் மென்மையான சவாரிக்கு 98.98சிசி இன்ஜின் மூலம் இயக்கப்படுகிறது. ஹோண்டாவின் விலை குறைந்த பைக்களில் இதுவும் ஒன்று. இது 4-ஸ்பீடு மேனுவல் டிரான்ஸ்மிஷனுடன் வருகிறது. இதன் விலை ரூ.64,900 ஆகும்.
ஹீரோ ஸ்பிளெண்டர் குறைந்த விலை பைக் ஆகும். இது இந்தியாவில் மிகவும் பிரபலமான மற்றும் மலிவான இருசக்கர வாகனங்களில் ஒன்றாகும். இந்த பைக் 8000 ஆர்பிஎம்மில் 5.9 கிலோவாட் ஆற்றலை வழங்குகிறது. இதன் விலை ரூ. 74,491 ஆகும்.
பஜாஜ்-பிளாட்டினா இந்தியாவின் சிறந்த பட்ஜெட் பைக்குகளில் ஒன்றாகும். இது பஜாஜின் DTS-i இன்ஜின் மூலம் இயக்கப்படும் 102cc மோட்டார் வசதியுடன் வருகிறது. இந்த பைக்கின் விலை ரூ. 68,033 ஆகும்.
டிவிஎஸ் ஸ்போர்ட் இந்தியாவில் குறைந்த பட்ஜெட் பைக் பட்டியலில் இடம்பெற்றுள்ளது. இது 110.7 சிசி இன்ஜின் மூலம் இயக்கப்படுகிறது. இது ETFi தொழில்நுட்பத்தால் இயங்கும் இணையற்ற மைலேஜை வழங்குகிறது. இதன் விலை ரூ. 59,431 ஆகும்.
ஹீரோ-எச்எஃப்-100 இந்தியாவில் சிறந்த மற்றும் மலிவான மோட்டார் வாகனம் ஆகும். இது 97சிசி எஞ்சின் மற்றும் XSENSE FI தொழில்நுட்பம் திறமையான செயல்திறன் மூலம் இயக்கப்படுகிறது. இதன் விலை ரூ. 59,018 ஆகும்.