உலக நாயகன் கமல்ஹாசன் 'விக்ரம்' படத்தின் வெற்றிக்கு பின்னர், நடிப்பு, தயாரிப்பு என இரண்டிலும் கவனம் செலுத்தி வருவதோடு, அவ்வப்போது அரசியல் களப்பணிகளையும் மேற்கொண்டு வருகிறார். இயக்குனர் ஷங்கர் இயக்கத்தில் 'இந்தியன் 2' படத்தில் நடித்து முடித்துள்ள கமல் அடுத்ததாக மணிரத்னம் இயக்கத்தில் நடித்து வரும் 'தக் லைஃப்' படத்தில் நடித்து வருகிறார்.
கடந்த வாரம் தொகுதி பங்கீடு குறித்து, திமுக கட்சி தலைவர் ஸ்டாலினை சந்தித்து பேசிய கமல்... சந்திப்புக்கு பின்னர், ஒரு தொகுதி கூட திமுக கட்சி கொடுக்காததால் இந்தமுறை மக்கள் நீதி மய்யம் கட்சி சார்பில் யாரும் தேர்தலில் போட்டியிட போவதில்லை என்றும், மாறாக திமுகவுக்கு ஆதரவு கொடுக்க உள்ளதை அறிவித்தார். சில வருடங்களுக்கு முன் திமுகவுக்கு எதிராக பல குற்றச்சாட்டுகளை முன் வைத்து கமல் பிரச்சாரம் மேற்கொண்ட நிலையில், தற்போது அந்தர் பல்டி அடித்ததையும் நெட்டிசன்கள் சுட்டி காட்டி விமர்சித்தனர்.