Northeast Monsoon
வடகிழக்கு பருவமழை அக்டோபர் மாதம் தொடங்கியதில் இருந்தே தமிழ்நாடு, புதுச்சேரி ஆகிய மாநிலங்களில் அவ்வப்போது கனமழை பெய்து வருகிறது. டிசம்பர் மாதம் 4ம் தேதி சென்னையில் மிக்ஜாம் புயல் காரணமாக அதிகனமழை பெய்து தலைநகர் சென்னையை வெள்ளத்தால் மூழ்கடித்தது.
meteorological department
இந்நிலையில், கிழக்கு திசை காற்றின் வேகமாறுபாடு காரணமாக தமிழ்நாட்டில் ஓரிரு இடங்களிலும், புதுவை மற்றும் காரைக்கால் பகுதிகளிலும் இடி மின்னலுடன் கூடிய லேசானது முதல் மிதமான மழை பெய்யக்கூடும். தேனி, திண்டுக்கல் மற்றும் நீலகிரி மாவட்டங்களில் ஓரிரு இடங்களில் கனமழை பெய்ய வாய்ப்புள்ளதாக தெரிவித்திருந்தது.
tamilnadu rain alert
இந்நிலையில், திருவள்ளூர், காஞ்சிபுரம், செங்கல்பட்டு, சென்னை, நீலகிரி, கோயம்புத்தூர், திருப்பூர், திண்டுக்கல், நாமக்கல், கரூர், திருச்சி, சேலம், கிருஷ்ணகிரி, திருப்பத்தூர், சிவகங்கை, மயிலாடுதுறை, நாகப்பட்டினம் உள்ளிட்ட 17 மாவட்டங்களில் அடுத்த 3 மணிநேரத்திற்கு மழைக்கு வாய்ப்புள்ளதாக வானிலை மையம் தெரிவித்துள்ளது. நேற்று இரவு முதல் சென்னை மற்றும் அதன் புறநகர் பகுதிகளில் மிதமான மழை பெய்தது. ஓரிரு இடங்களில் கனமழை பெய்தது.