பலரும் வெண்டைக்காய் விரும்பி சாப்பிடுவார்கள். இதில் நமது ஆரோக்கியத்திற்கு நன்மை செய்யும் பல வகையான சத்துக்கள் உள்ளன. ஆனால், உடலில் சில பிரச்சனைகள் உள்ளவர்கள் இதை சாப்பிடக்கூடாது என்கின்றனர் நிபுணர்கள். அப்படி யாரெல்லாம் சாப்பிடக்கூடாது? இதை சாப்பிட்டால் என்ன நடக்கும் என்பதை குறித்து இங்கு பார்க்கலாம்.
அலர்ஜி உள்ளவர்கள்: அலர்ஜி உள்ளவர்கள் குறிப்பிட்ட வகை உணவுகளை சாப்பிடவே கூடாது. குறிப்பாக, வெண்டைக்காய் சாப்பிடக்கூடாது. மீறி சாப்பிட்டால் தோல் ஒவ்வாமை அல்லது இரைப்பை குடல் பிரச்சினைகள் ஏற்படும் அபாயம் உள்ளது.
செரிமான பிரச்சனை: செரிமான பிரச்சனை உள்ளவர்களும் வெண்டைக்காய் சாப்பிடுவதை தவிர்க்க வேண்டும். மீறி சாப்பிட்டால் செரிமான பிரச்சனைகள் அதிகரிக்கும்.
சிறுநீரக கல் பிரச்சனை: சிறுநீரக கல் பிரச்சனை உள்ளவர்கள் வெண்டைக்காய் சாப்பிடவே கூடாது. ஏனெனில், இது சிறுநீரக கல் பிரச்சனையை அதிகப்படுத்தலாம். எனவே, சிறுநீரகம் தொடர்பான ஏதேனும் பிரச்சனை இருப்பவர்கள் இதை சாப்பிடுவதை தவிர்ப்பது நல்லது.
வீக்கம் அல்லது வயிற்றுப்போக்கு: இன்றும் பலர் அடிக்கடி வாயு, வயிற்றுப்போக்கு அல்லது வீக்கம் ஆகியவற்றால் பாதிக்கப்படுகின்றனர். இப்படிப்பட்டவர்கள் வெண்டைக்காய் சாப்பிடுவதில் இருந்து விலகி இருக்க வேண்டும். மீறி சாப்பிட்டால் வாயு பிரச்சனை அல்லது வயிற்று உப்புசம் அதிகரிக்கும்.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D