Atlee
பிரமாண்ட இயக்குனர் ஷங்கரின் உதவியாளரான அட்லீ, நடிகர் ஆர்யா, ஜெய், நயந்தாரா, நஸ்ரியா ஆகியோரை வைத்து இயக்கிய திரைப்படம் 'ராஜா ராணி'. இந்த படம் மிகப்பெரிய வெற்றியை பெற்றதோடு, பிரபு தேவாவின் காதல் தோல்வியால் வாடிய நயன்தாராவுக்கு சிறந்த கம் பேக் மூவியாகவும் அமைந்தது.
ஷாருக்கான் பதான் படப்பிடிப்பு மற்றும் தன்னுடைய மகன் ஆரியனின் போதை பொருள் வழக்கு போன்ற விஷயங்களால் இப்படத்தின் படப்பிடிப்பு தொடர்ந்து தாமதமாகி கொண்டே சென்ற நிலையில்... ஒரு வழியாக 2 வருடங்களுக்கு மேல் காத்திருந்து, 'ஜவான்' படத்தை வெற்றிகரமாக இயக்கி முடித்தார். இப்படம் வெளியாகி 1200 கோடிக்கு மேல் வசூல் சாதனை செய்தது.
இந்நிலையில் 2024-ம் ஆண்டுக்கான தாதாசாகேப் பால்கே சர்வதேச திரைப்பட விழா நேற்று மும்பையில் நடந்தது. இதில் இயக்குனர் அட்லீ இயக்கிய ஜவான் படத்திற்கு மட்டும் 4 விருதுகள் கிடைத்துள்ளன. சிறந்த நடிகருக்கான விருது ஷாருக்கானுக்கும், நடிகைக்கான விருது நயன்தாராவுக்கும், இசையமைப்பாளருக்கான விருது அனிருத்துக்கு, இயக்குனருக்கான விருது அட்லீக்கும் கிடைத்துள்ளது.