விஜய் டிவியில் ஒளிபரப்பான பகல் நிலவு சீரியலின் மூலம் சின்னத்திரையில் அறிமுகமானார் ஷிவானி. ஸ்கூல் படிக்கும்போதே சீரியலில் நடித்து வந்த இவர், ஆரம்பத்தில் செம்ம குண்டாக இருந்தார். இப்படி இருந்தால் சீரியலில் அடுத்தகட்டத்திற்கு செல்ல முடியாது என்பதை உணர்ந்த ஷிவானி, கடுமையாக உடற்பயிற்சி செய்து உடல் எடையை கணிசமாக குறைத்தார்.
அவர் உடல் எடையை குறைத்ததன் பலனாக, அதுவரை பகல் நிலவு சீரியலில் சின்ன ரோலில் நடித்து வந்த ஷிவானியை ஹீரோயின் ஆக்கினர். அதில் அசீமுக்கு ஜோடியாக நடித்தார் ஷிவானி. பின்னர் விஜய் டிவியில் ஒளிபரப்பான கடைக்குட்டி சிங்கம் சீரியலில் நடித்த இவருக்கு ஒருகட்டத்தில் சினிமா ஆசை வந்துவிட்டது.
அதன்படி அவர் நடித்த முதல் படமான விக்ரம் பிளாக்பஸ்டர் ஹிட் ஆனது. இப்படத்தில் விஜய் சேதுபதியின் மனைவியாக நடித்திருந்தார் ஷிவானி. இதையடுத்து கடந்தாண்டு வெளிவந்த பம்பர் படம் மூலம் ஹீரோயினாக அறிமுகமானார். சினிமாவில் ஹீரோயினான பின்னரும் இன்ஸ்டாகிராமில் கவர்ச்சி புகைப்படங்கள் பதிவிடுவதை வழக்கமாக வைத்துள்ளார்.