சன் டிவி தொலைக்காட்சியில் கடந்த 3 வருடங்களாக ஒளிபரப்பாகி வந்த சூப்பர் ஹிட் தொடரான 'அருவி' தொடர், இந்த வாரத்துடன் முடிவுக்கு வர உள்ளது. இன்று இந்த சீரியலின் கடைசி நாள் படப்பிடிப்பு நடந்த நிலையில் சீரியல் குழுவினர் ஒன்று எடுத்து கொண்ட போட்டோஸ் வைரலாகி வருகிறது.
2021-ஆம் ஆண்டு துவங்கப்பட்ட இந்த சீரியல், கன்னட மொழித் தொடரான 'கஸ்தூரி நிவாசா' என்ற தொடரின் கதைக்கருவை மையமாக வைத்து ரீமேக் செய்யப்பட்ட தொடர் ஆகும்.
கடந்த 3 வருடங்களாக விறுவிறுப்பான கதைக்களத்துடன் ஒளிபரப்பாகி வந்த இந்த சீரியல்... இந்த வாரத்துடன் முடிவடைய உள்ளது.
சீரியல் நடிகர்கள் மட்டும் இன்று, இயக்குனர், டெக்னீஷியன்ஸ் என அனைவருமே இதில் இடம்பெற்றுள்ளனர். கடைசி நாள் என்பதால் மனதுக்கு கஷ்டமாக இருந்தாலும், சிரித்த முகத்துடன் ஒருவருக்கொருவர் பிரியாவிடை கொடுத்துள்ளனர் என்பது குறிப்பிடத்தக்கது.