நடிகர் அருண் விஜய்யின் சகோதரி அனிதா விஜயகுமாரின் மகள் தியா சினிமா ஹீரோயின்களைப் போல் நடத்திய லேட்டஸ்ட் போட்டோஷூட் இணையத்தில் வைரலாகிறது.
நடிகர் விஜயகுமாருக்கு மொத்தம் ஐந்து மகள்கள், ஒரு மகன் உள்ளனர். இதில் விஜயகுமாரின் மூத்த மனைவி முத்துக்கண்ணுக்கு கவிதா, அனிதா மற்றும் அருண் விஜய் ஆகிய மூன்று பிள்ளைகளும், இரண்டாவது மனைவியான மஞ்சுளாவுக்கு வனிதா, ப்ரீத்தா மற்றும் ஸ்ரீதேவி ஆகிய மூன்று மகள்களும் பிறந்தனர். இதில் கவிதா, வனிதா, ப்ரீத்தா, ஸ்ரீதேவி மற்றும் அருண் விஜய் ஆகியோர் சினிமாவில் நடித்துள்ளனர்.
நடிகர் விஜயகுமார் வீட்டில் சினிமா வாடையே படாமல் வளர்ந்தவர் என்றால் அது அனிதா தான். மருத்துவம் படித்த இவர் டாக்டராக பணியாற்றி வருகிறார். இவர் கல்லூரியில் படித்தபோதே உடன் படித்த கோகுல் என்பவரை காதலித்து திருமணம் செய்துகொண்டார். இந்த ஜோடிக்கு தியா என்கிற மகளும், ஸ்ரீஜய் என்கிற மகனும் உள்ளனர்.
இதையும் படியுங்கள்... எத்தனை கோடி கொடுத்தாலும் அந்த விளம்பரத்தில் நடிக்க மாட்டேன்... வீடு தேடி வந்த வாய்ப்பை நிராகரித்த சாய் பல்லவி
இதில் அனிதா விஜயகுமாரின் மகள் தியாவுக்கு அண்மையில் திருமணம் நடந்து முடிந்தது. கடந்த பிப்ரவரி மாதம் சென்னை அருகே மகாபலிபுரத்தில் உள்ள ஷெர்டன் கிராண்ட் ஹோட்டலில் கோலாகலமாக நடைபெற்ற தியாவின் திருமணத்தில் ரஜினிகாந்த் உள்ளிட்ட திரைப்பிரபலங்கள் கலந்துகொண்டு வாழ்த்தினர்.
திருமணத்துக்கு பின்னர் தியா தனது கணவருடன் லண்டனுக்கு சென்றுவிட்டார். தியாவும் அவரது அம்மா அனிதாவை போல் தன்னுடன் படித்தவரையே காதலித்து திருமணம் செய்துகொண்டார். தியா தற்போது லண்டனில் மருத்துவராக பணியாற்றி வருகிறார். இந்நிலையில், அவரது போட்டோஷூட் ஒன்று வைரலாகி வருகிறது.
சினிமா நடிகைகளை மிஞ்சும் அளவுக்கு செம்ம அழகாக போஸ் கொடுத்து தியா நடத்தியுள்ள போட்டோஷூட் பார்த்து வாயடைத்துப் போன ரசிகர்கள், அவர் அழகில் ஆலியா பட்டிற்கே டஃப் கொடுப்பதாக கூறி வருகின்றனர். தியாவின் இந்த கார்ஜியஸ் லுக் போட்டோஸ் இணையத்தில் வைரலாகி வருகிறது.
இதையும் படியுங்கள்... வின்னரில் ‘கைப்புள்ள’யாக நடிக்க முதல் சாய்ஸ் வடிவேலு இல்ல! நல்ல சான்ஸை மிஸ் பண்ணிய அந்த நடிகர் யார் தெரியுமா?