Tamil Movies re release for valentines Day 2024
பிப்ரவரி என்றாலே காதலை கொண்டாடும் மாதம் என்பது அனைவரும் அறிந்ததே. அதிலும் பிப்ரவரி 14-ந் தேதி காதலர் தினமாக கொண்டாடப்படுகிறது. உலகம் முழுவதும் காதலர் தின கொண்டாட்டங்கள் களைகட்டி உள்ளன. அதன் ஒருபகுதியாக தமிழ்நாட்டில் ஆண்டுதோறும் காதலர் தினத்தையொட்டி கிளாசிக் ஹிட் காதல் படங்களை ரீ-ரிலீஸ் செய்யப்படுவது வழக்கம். அந்த வகையில், இந்த ஆண்டு காதலர் தினத்தன்று எந்தெந்த படங்கள் ரீ-ரிலீஸ் ஆகிறது என்பதை பார்க்கலாம்.
96
தமிழ் சினிமாவில் காதலர்கள் மத்தியில் மிகப்பெரிய தாக்கத்தை ஏற்படுத்திய படங்களில் 96 படமும் ஒன்று. பிரேம் குமார் இயக்கத்தில் விஜய் சேதுபதி, திரிஷா இருவரும் ஜோடியாக நடித்திருந்த இப்படம் கடந்த 2018-ம் ஆண்டு திரைக்கு வந்தது. பள்ளிப்பருவ காதலை கண்முன் கொண்டுவந்த படமாக இது இருந்தது. தமிழ் சினிமாவின் மாஸ்டர் பீஸ் படங்களில் ஒன்றான இந்த 96 வருகிற பிப்ரவரி 14-ந் தேதி திரையரங்குகளில் ரீ-ரிலீஸ் ஆக உள்ளது.
பிரேமம் (Premam)
தமிழ்நாட்டில் அதிரிபுதிரி ஹிட் அடித்த மலையாள படங்கள் பட்டியலில் முதலிடத்தில் உள்ளது பிரேமம் தான். இப்படத்தை கேரளா மட்டுமின்றி தமிழ்நாட்டிலும் வேறலெவலில் கொண்டாடினர். அதற்கு காரணம் அதில் தமிழ்நாட்டு கனெக்ஷன் அதிகளவில் இருந்தது. அல்போன்ஸ் புத்திரன் இயக்கிய மாஸ்டர் பீஸ் படமான பிரேமம் ஏற்கனவே திரையரங்குகளில் ரிலீஸ் ஆகி சக்கைப்போடு போட்டு வருவது குறிப்பிடத்தக்கது.