அஜித் மச்சினிச்சி ஷாமிலியின் 'ஷீ' ஆர்ட் கேலரி திறப்பு விழா..! ஏ.ஆர்.ரகுமான், மணிரத்னம் உள்ளிட்ட பலர் பங்கேற்பு

நடிகை என்பதை தாண்டி ஒரு ஓவியராக அவதாரம் எடுத்துள்ள ஷாம்லி, தன்னுடைய 'ஷீ' ஆர்ட் கேலரியை ஓப்பன் செய்த நிலையில்... பல பிரபலங்கள் இதில் பங்கேற்று சிறப்பித்துள்ளனர். இதுகுறித்த புகைப்படம் தற்போது வைரலாகி வருகிறது.  

குழந்தை நட்சத்திரமாக தமிழ் மற்றும் தெலுங்கில் ஆகிய மொழிகளில் அறிமுகமாகி, சிறந்த நடிப்புக்காக தேசிய விருதை பெற்று பிரபலமானவர் ஷாம்லி.

குழந்தையாக இருக்கும் போது, ரசிகர்களை தன்னுடைய துரு துரு நடிப்பால் கவர்ந்த ஷாம்லியால் ஏனோ... கதாநாயகியாக நடிக்கும் போது கவரமுடியாமல் போனது. 

தமிழ் மற்றும் தெலுங்கில் வளர்ந்து வரும் இளம் நடிகர்களுக்கு ஜோடியாக இவர் நடித்த அடுத்தடுத்த படங்கள் தோல்வியடைந்ததால், பட வாய்ப்புகள் கிடைக்காமல்... ஒரு நிலையில் திரையுலகில் இருந்தே முழுமையாக விலகினார்.

ஷாம்லியின் ஆர்வத்தை கண்டறிந்து அவரை ஊக்கப்படுத்தி வந்தார் அக்கா கணவர் அஜித். அவரின் வழிகாட்டுதல் படி, ஓவியம் மற்றும் நாட்டிய கலைகளை ஆர்வத்துடன் கற்கத் தொடங்கியதாக கூறப்படுகிறது.

குறிப்பாக ஓவிய துறையில் மேதையான ஏ. வி. இளங்கோவின் வழிகாட்டலுடன் ஓவியம் வரைவதில் கவனம் செலுத்தினார். இந்தத் துறையில் இடைவிடாத பயிற்சி, விடாமுயற்சியோடு பல ஓவிய படைப்புகளை உருவாக்கினார் ஷாம்லி.

ஷாம்லியின் ஓவியங்களின் தனி சிறப்பு என்றால், அவர் தற்போதைய காலகட்டத்திற்கு ஏற்ற வகையில் வண்ணமயமாகவும். ‌ பெண்களின் சுதந்திரத்தையும் பிரதிபலிக்கும் வகையில் இருந்தது.

இவரது படைப்புகள் ஏற்கனவே கடந்த 2019 ஆம் ஆண்டு பெங்களூரூவிலுள்ள சித்ரகலா பரிஷத் எனும் கலைக்கூடத்தில் கண்காட்சிக்கு வைக்கப்பட்டது. இதனைத் தொடர்ந்து 2022 ஆம் ஆண்டில் சென்னையிலுள்ள வெண்பா கேலரி எனும் கலைக்கூடங்களில் இடம்பெற்றது.

அதே போல் சமீபத்தில் துபாயில் உள்ள வேர்ல்ட் ஆர்ட் துபாய் எனும் சர்வதேச ஓவிய கலைக் கூடத்திலும் கண்காட்சியாக தன்னுடைய ஓவியங்களை பார்வையாளர்களுக்கு காட்சிப்படுத்தி இருந்தார். இந்த நிகழ்ச்சியில் சுமார் 300க்கும் மேற்ப்பட்ட ஓவியர்கள் கலந்து கொண்டு, தங்களின் படைப்புக்களை காட்சி படுத்தியது குறிப்பிடத்தக்கது.

இதை தொடர்ந்து தன்னுடைய ஓவிய படைப்புகளை அனைவரும் பார்வையிடும் விதமாகவும், விற்பனை செய்யும் விதமாகவும் 'ஷீ' என்கிற ஆர்ட் கேலரி ஒன்றை துவங்கியுள்ளார். இதில் ஷாலினி, அவரின் மகன் ஆத்விக், மகள் அனோஷ்கா உள்ளிட்ட அனைவருமே கலந்து கொண்டனர். அஜித் விடா முயற்சி படப்பிடிப்பில் உள்ளதால் அவரால் கலந்து கொள்ள முடியவில்லை.

மேலும் இசைப்புயல் ஏ.ஆர்.ரகுமான், இயக்குனர் மணிரத்னம், சுஹாசினி மணிரத்னம், ஆக்ஷன் கிங் அர்ஜுன் உள்ளிட்ட பல பிரபலங்கள் கலந்து கொண்டுள்ளனர். இதுகுறித்த புகைப்படங்கள் தற்போது வெளியாகி வைரலாக பார்க்கப்பட்டு வருவதோடு, ரசிகர்கள் மத்தியில் பாராட்டுகளையும் பெற்று வருகிறது.

புகழ்பெற்ற கலை இயக்குனர் தோட்டா தரணியும் இந்த ஆர்ட் கேலரியை பார்வையிட்டார். அப்போது நடிகை ஷாலினி, அவரது சகோதர ரிச்சர்ட் மற்றும் தங்கை ஷாமிலி ஆகியோருடன் அவர் கலந்துரையாடிய போது எடுத்த புகைப்படம் தான் இது.

இதையும் படியுங்கள்... டிஸ்சார்ஜ் செய்யப்பட்ட உபாசனா! குழந்தையை தூக்கிக்கொண்டு மனைவியோடு வரும் ராம் சரண்! வைரல் போட்டோஸ்..!