மறைந்த நடிகை ஸ்ரீதேவியின் மகள் ஜான்வி கபூர் தற்போது பாலிவுட்டில் படு பிசியான நடிகையாக மாறிவிட்டார். இவருக்கு அடுத்தடுத்து பட வாய்ப்புகளும் குவிந்து வருகின்றன.
நடிகை ஜான்வி கபூர், பிற மொழிகளில் ஹிட் ஆன படங்களை இந்தியில் ரீமேக் செய்து நடிக்க அதிக ஆர்வம் காட்டி வருகிறார். இதுவரை 2 படங்கள் அவ்வாறு நடித்துவிட்டார்.
அதில் ஒன்று குட்லக் ஜெர்ரி, இது தமிழில் நயன்தாரா நடிப்பில் வெளியாகி பிளாக்பஸ்டர் ஹிட் ஆன கோலமாவு கோகிலா திரைப்படத்தின் ரீமேக் ஆகும். இப்படம் கடந்த ஜூலை மாதம் நேரடியாக ஓடிடியில் வெளியானது.
தற்போது நடிகை ஜான்வி கபூர் கிரிக்கெட் கதையம்சம் கொண்ட படங்களில் நடிக்க தயாராகி வருகிறார். இதற்காக அவர் பிரத்யேகமாக கிரிக்கெட் பயிற்சியும் மேற்கொள்கிறார்.
இவ்வாறு நடிப்பில் பிசியாக இருக்கும் ஜான்வி கபூர் வித விதமாக கிளாமர் போட்டோஷூட் நடத்தி அதன் புகைப்படங்களை சமூக வலைதளங்களில் பதிவிடுவதிலும் ஆர்வம் காட்டி வருகிறார்.