நடிகை விமலா ராமன், பிரபல நடிகருடன் சேர்ந்து குடும்பத்துடன் பிறந்தநாள் கொண்டாடி உள்ள புகைப்படங்களை வெளியிட்டு சூசகமாக தன்னுடைய காதலை வெளிப்படுத்தி உள்ளதாக ரசிகர்கள் தெரிவித்து வருகின்றனர்.
ஆஸ்திரேலியாவில் பிறந்து வளர்ந்த, தமிழகத்தைச் சேர்ந்த நடிகை விமலா ராமன் 2004 ஆம் ஆண்டு 'மிஸ் இந்தியா ஆஸ்திரேலியா' பட்டத்தை கைப்பற்றியவர். பின்னர் மாடலிங் கவனம் செலுத்தி வந்த இவர், திரைப்பட வாய்ப்புகளையும் தேட துவங்கினார்.
அந்த வகையில், கடந்த 2006 ஆம் ஆண்டு தமிழில் இயக்குனர் கே பாலச்சந்தர் இயக்கிய பொய். என்கிற படத்தின் மூலம் அறிமுகமான விமலா ராமன், இந்த படத்தை தொடர்ந்து மலையாள திரை உலகில் நுழைந்தார். மலையாளத்தில் இவர் நடித்த டைம், சூரியன், நஸ்ராணி, ரோமியோ போன்ற படங்கள் அடுத்தடுத்து நல்ல வரவேற்பை பெற்றதால், பிஸியான நடிகையாக மாறினார் விமலா ராமன்.
இவர் தமிழில் 'பொய்' படத்தில் அறிமுகமாகி இருந்தாலும், இவருக்கு தமிழ் ரசிகர்கள் மத்தியில் சிறந்த அறிமுகத்தை கொடுத்தது என்றால் அது இயக்குனர் சேரன் நடித்து வெளியான ராமன் தேடிய சீதை திரைப்படம் தான்.
தமிழ், மலையாளத்தை தொடர்ந்து, தெலுங்கு, கன்னடம், ஹிந்தி போன்ற மொழிகளிலும் இவர் நடித்துள்ளார். இந்நிலையில் இவர் கடந்த ஒரு வருடமாகவே பிரபல நடிகர் வினய் மற்றும் விமலா ராமன் காதலித்து வருவதாக கூறப்பட்டு வந்த நிலையில், இது குறித்து இருவருமே வாய் திறக்காமல் இருந்தனர்.
வாரிசு, பாகுபலி படங்களில் பணியாற்றிய பிரபலத்தின் கணவரும், இயக்குனருமான ஹரிச்சரண் சீனிவாசன் மரணம்!
தற்போது தன்னுடைய பிறந்தநாளில் எடுத்துக்கொண்ட புகைப்படங்களை சமூக வலைதளத்தில் வெளியிட்டு குடும்பத்தினருடன் பிறந்தநாள் கொண்டாடியதாக தெரிவித்துள்ளார். விமலா ராமனின் பிறந்தநாள் கொண்டாட்டத்தில் அவருடைய தாய் தந்தை மற்றும் வினய் ஆகியோர் உள்ளனர். எனவே மறைமுகமாக வினையை காதலிப்பதை விமலா ராமன் கூறியுள்ளதாக நெட்டிசன்கள் கூறி வருகின்றனர்.
இந்த பிறந்த நாளை நடிகர் வினய் மற்றும் குடும்பத்துடன் மது பார்ட்டியோடு கொண்டாடி மகிழ்ந்துள்ளார் விமலா ராமன், விரைவில் இருவரும் தங்களின் திருமண தேதியையும் அறிவிப்பார்களா? என்பதை பொறுத்திருந்து பார்ப்போம்.
சேனலை கிளிக் செய்து பின்தொடரவும்