நடிகை மாதவி, தன்னுடைய மகளுடன் இருக்கும் புகைப்படத்தை வெளியிட்டு, மகளை நினைத்து பெருமை படுவதாக போட்டுள்ள பதிவை கண்டு ரசிகர்களும் தங்களின் வாழ்த்துக்களை தெரிவித்து வருகிறார்கள்.
80-களில் கவர்ச்சி நாயகிகள் என சிலர் இருந்த போதிலும், ஹீரோயினாக இருந்தாலும்... தயங்காமல் கவர்ச்சியை தன்னுடைய படங்களில் வாரி இறைந்து பிரபலமானவர் தான் மாதவி. 2 பீஸ் உடையில் கூட நடித்து அப்போதைய ரசிகர்களை வாய் பிளக்க வைத்தார்.
ஆந்திராவை சேர்ந்த இவர், தெலுங்கு மொழி படத்தின் மூலம் 1976-ஆம் ஆண்டு ஹீரோயினாக அறிமுகமானார். இதை தொடர்ந்து, இவர் நடித்த படங்கள் ரசிகர்கள் மத்தியில் நல்ல வரவேற்பை பெறவே... தமிழ், மலையாளம், ஹிந்தி உள்ளிட்ட மொழிகளிலும் நடித்தார்.
நாட்டு மக்களை அறிவில்லாதவர்கள் என நினைத்தார்களா? ஆதிபுருஷ் படக்குழுவுக்கு ஐகோர்ட் சரமாரி கேள்வி!
குறிப்பாக தமிழில் 1981 ஆம் ஆண்டு வெளியான புதிய கோணங்கள் என்கிற படத்தின் மூலம் அறிமுகமானார். இந்த திரைப்படம் சொல்லிக்கொள்ளும் படி வெற்றிபெறவில்லை என்றாலும், அடுத்தது தமிழில், ரஜினி, கமல் போன்ற முன்னணி நடிகர்களுக்கு ஜோடியாக நடித்து பிரபலமானார். அந்த காலத்தில் பல்வேறு காதல் சர்ச்சைகளில் சிக்கி உள்ளார் மாதவி.
அடுத்தடுத்த படங்களில் பிசியாக நடித்துக்கொண்டிருக்கும் போதே, நடிகை மாதவி கடந்த 1996 ஆம் ஆண்டு தொழிலதிபர் ரால்ப் சர்மா என்பவரை காதலித்து திருமணம் செய்து கொண்டார். திருமணத்திற்கு பின்னர் முழுமையாக திரையுலகில் இருந்து விலகிய இவர், குடும்பத்துடன் நியூஜெர்சியில் வசித்து வருகிறார்.
மகன் கௌஷிக் பிறந்தநாளை பிரமாண்டமாக கொண்டாடிய ரோஜா! வைரலாகும் போட்டோஸ்.!
மேலும் இவருக்கு மூன்று மகள்கள் உள்ளனர். அவ்வப்போது தன்னுடைய மகள்களின் புகைப்படங்களையும் சமூக வலைத்தளத்தில் வெளியிடுவதை வழக்கமாக வைத்துள்ள மாதவி, தற்போது மகள் குறித்து மிகவும் பெருமையாக, போஸ்ட் ஒன்றை போட்டுள்ளதற்கு ரசிகர்கள் தங்களின் வாழ்த்துக்களை தெரிவித்து வருகிறார்கள்.
அதாவது மாதவியின் மூத்த மகள் பிரிசில்லா, இளங்கலை (UG) பட்டம் பெற்றுள்ளதை அடுத்து, அவருக்கு PG படிப்புக்கு உலகின் மிகச் சிறந்த பல்கலை கழகங்களான ஹார்வாட் மட்டும் ஆக்ஸ்போர்டு ஆகியவற்றில் இருந்து அழைப்பிதழ் வந்துள்ளதாகவும்... இதை நினைத்து ஒரு தாயாக மிகவும் பெருமை படுவதாக அறிவித்துள்ளார்.
Captain Miller:'கேப்டன் மில்லர்' ஃபர்ஸ்ட் லுக் ரிலீஸ் தேதியை அறிவித்த படக்குழு!
தன்னுடைய மகள்கள் மூவருடைய புகைப்படங்கள் சிலவற்றை இவர் வெளியிட... உங்களுக்கு இவ்வளவு பெரிய மகள்களா? என ரசிகர்கள் ஆச்சர்யத்துடன் கேள்வி எழுப்பி வருவதோடு, அவரின் மூத்த மகளுக்கு தங்களின் வாழ்த்துக்களையும் தெரிவித்து வருகிறார்கள்.
சேனலை கிளிக் செய்து பின்தொடரவும்