அமெரிக்க அதிபர் டொனால்ட் ட்ரம்பை கண்டித்த போப் பிரான்சிஸ்.. உலகமே திரும்பி பார்க்க வைத்த சம்பவம்

வலுக்கட்டாயமாக உருவாக்கப்பட்ட எந்தவொரு கொள்கையும் மோசமாகத் தொடங்கி மோசமாக முடிவடையும் என்று போப் பிரான்சிஸ் நினைவூட்டியுள்ளார்.

டொனால்ட் டிரம்ப் - போப் பிரான்சிஸ்

ரோம்: அமெரிக்காவில் அங்கீகாரமற்ற குடியேறியவர்களை கூட்டமாக நாடு கடத்தும் அமெரிக்க அதிபர் டொனால்ட் டிரம்பின் நடவடிக்கைக்கு எதிராக போப் பிரான்சிஸ் கடுமையான விமர்சனங்களை தற்போது முன்வைத்துள்ளார். டிரம்ப் அரசாங்கத்தின் நடவடிக்கைகள் நலிந்த பிரிவினரை மோசமாக பாதிக்கிறது என்றும், இது மோசமான விளைவுகளை ஏற்படுத்தும் என்றும் போப் கூறினார். அமெரிக்க பிஷப்புகளுக்கு அனுப்பிய கடிதத்தில்தான் டிரம்ப் நிர்வாகத்திற்கு எதிரான போப்பின் கடுமையான விமர்சனம் இடம்பெற்றுள்ளது.

குடியேற்ற எதிர்ப்பு பிரச்சாரங்கள் கூடாது என்றும் போப் கடிதத்தில் வலியுறுத்தினார். நாட்டில் சட்டவிரோதமாக வசிக்கிறார்கள் என்பதற்காக மட்டும் குடியேறியவர்களை வலுக்கட்டாயமாக நாடு கடத்துவது அவர்களின் கண்ணியத்தை இழக்கச் செய்யும் செயல். நாடு கடத்தல் மோசமாக முடியும் என்றும் போப் கூறினார். கடினமான சூழ்நிலைகளில் இருந்து வந்தவர்கள் குடியேறியவர்கள். அவர்களை வலுக்கட்டாயமாக நாடு கடத்துவது பெண்கள் மற்றும் ஆண்களின் கண்ணியத்தையும் சுயமரியாதையையும் இழக்கச் செய்கிறது.

வலுக்கட்டாயமாக உருவாக்கப்பட்ட எந்தவொரு கொள்கையும் மோசமாகத் தொடங்கி மோசமாக முடிவடையும் என்று போப் நினைவூட்டினார். டிரம்ப் ஜனாதிபதி வேட்பாளராக வந்தபோதே, அவரது குடியேற்ற எதிர்ப்பு நிலைப்பாட்டை போப் பிரான்சிஸ் விமர்சித்திருந்தார். குடியேறியவர்களைப் பாதுகாப்பதற்கு முன்னுரிமை அளிக்க வேண்டும் என்று எப்போதும் வாதிடுபவர் லத்தீன் அமெரிக்காவிலிருந்து வந்த முதல் போப்பான பிரான்சிஸ் என்பது குறிப்பிடத்தக்கது.