ஐஸ்லாந்து அரசாங்கம் தங்கள் நாட்டு பெண்களை திருமணம் செய்யும் ஆண்களுக்கு பணம் வழங்குவதாகக் கூறும் ஒரு செய்தி வைரலாகி வருகிறது..
நல்ல சம்பளம், பாதுகாப்பு மற்றும் ஓய்வூதியம் போன்ற விஷயங்களை கருத்தில் கொண்டு, அரசு வேலை கிடைக்க வேண்டும் பலரும் ஆசைப்படுகின்றனர். ஆனால் சமீபத்தில், ஐஸ்லாந்து அரசாங்கம் தங்கள் நாட்டு பெண்களை திருமணம் செய்யும் ஆண்களுக்கு பணம் வழங்குவதாகக் கூறும் ஒரு செய்தி வைரலாகி வருகிறது..
உண்மை என்ன?
சமூக ஊடக தளமான Quora இல் ஒரு வைரலான பதிவின் படி, நாட்டில் ஆண்களின் பற்றாக்குறையால் தங்கள் நாட்டு பெண்களை திருமணம் செய்யும் ஆண்களுக்கு ஐஸ்லாந்து அரசாங்கம் $5,000 (இந்திய மதிப்பில் சுமார் ரூ. 4.16 லட்சம்) வழங்குவதாகக் கூறப்படுகிறது. கூடுதலாக, அவர்கள் வட ஆப்பிரிக்க ஆண்களுக்கு முன்னுரிமை அளிப்பார்கள் என்று கூறப்பட்டுள்ளது. இந்த தகவல் சமூக ஊடகங்களில் பரவலாக பகிரப்பட்டு வருகிறது, பலரும் இந்த தகவல் உண்மையா என்று கேள்வி எழுப்பி வரும் நிலையில், இந்த தகவல் வெறும் ஆன்லைன் வதந்தி என்று தகவல்கள் தெரிவிக்கின்றன.
அதைத் தொடர்ந்து, snopes.com என்ற உண்மைச் சரிபார்ப்பு இணையதளம், பரவலாகப் பரப்பப்பட்ட தகவலை நீக்கியது. மேலும், ஜூன் 2016 இன் பிற்பகுதியில் ஏராளமான ஆப்பிரிக்க இணையதளங்கள் இந்தத் தகவலுடன் கட்டுரைகளை வெளியிட்டன. இந்த அறிக்கையை வெளியிடும் முதல் தளங்களில் ஸ்பிரிட் விஸ்பர்ஸ் ஒன்றாகும், மேலும் பல ஆண் வாசகர்கள் இந்த தகவலை உண்மை என நினைத்து கொண்டு சலுகையைப் பரிசீலிக்கத் தயாராக இருந்தனர் என்றும் அந்த இணையத்தில் தெரிவிக்கப்பட்டுள்ளது.
இதே போல் ஐஸ்லாந்தை சேர்ந்த Reykjavík Grapevine என்ற இணையதளம், "குறைந்த பட்சம் கடந்த வாரத்தில், Facebook இல் உள்ள பல ஐஸ்லாந்திய பெண்கள், தங்களுக்குத் தெரியாத ஐஸ்லாந்து அல்லாத ஆண்களின் நட்புக் கோரிக்கைகள் வந்ததாக தெரிவித்துள்ளனர். இந்த தகவல் உண்மையாகவே புரளி என்று இணையதளம் உறுதி செய்துள்ளது.
மற்றொரு வலைத்தளமான ஐஸ்லாந்து மானிட்டர், ஐஸ்லாந்தின் வெளியுறவு அமைச்சகத்தின் அறிக்கையை மேற்கோள் காட்டி, இந்த தகவல் முற்றிலும் தவறானது என்பதை உறுதிப்படுத்தியது, "இந்த திருமணத்திற்கான பண ஒப்பந்தம் பற்றிய செய்திகள் வெறும் வதந்திகள் என்று தெரிவித்துள்ளது.
சுவாரஸ்யமாக, ஐஸ்லாந்தில் ஆண்கள் எண்ணிக்கை பற்றாக்குறை இல்லை என்று ஐக்கிய நாடுகளின் தகவல் பிரிவு தெரிவித்தது; உண்மையில், அவர்கள் நாட்டில் பெண்களை விட சற்று அதிகமாக உள்ளனர். கடந்த தசாப்தத்தில், நாட்டின் மக்கள்தொகையில் சுமார் 50 சதவீதத்தினர் ஆண்கள் என்று தரவுகள் குறிப்பிடுகின்றன என்பது குறிப்பிடத்தக்கது.
