Asianet News TamilAsianet News Tamil

வருவாய் ஈட்டுவதற்காக டுவிட்டர் அலுவலகத்தில் இருந்த பொருட்களை ஏலம் விட்ட எலான் மஸ்க்!

கூடுதல் பணம் சம்பாதிப்பதற்காக டுவிட்டர் அலுவலகத்தில் இருந்த பறவை லோகோ, எஸ்பிரெசோ இயந்திரங்கள் போன்றவற்றை ஏலம் விடப்படுவதாக தகவல்கள் வந்துள்ளன.

Twitter starts selling quirky office items like neon bird logo, espresso machines to make extra money, check details here
Author
First Published Jan 18, 2023, 7:02 PM IST

ட்விட்டர் நிறுவனத்தில் வருவாயை உயர்த்தவும், செலவுகளைக் கட்டுப்படுத்தவும் ஆயிரக்கணக்கான ஊழியர்கள் பணிநீக்கம் செய்யப்பட்டனர். ஊழியர்களின் எண்ணிக்கையை குறைக்கப்பட்ட நிலையில், தற்போது டுவிட்டர் அலுவலகத்தில் இருக்கும் உபரி அலுவலகப் பொருட்கள் ஏலம் விட தொடங்கப்பட்டுள்ளன. இதில் டுவிட்டரின் பறவை நினைவுச்சின்னங்கள் (ட்விட்டரின் பறவை சின்னம்), எஸ்பிரெசோ காபி இயந்திரங்கள், குளிர்சாதன பெட்டிகள் மற்றும் Apple Macs போன்ற அனைத்து வகையான அலுவலக பொருட்களும் அடங்கும். 

இது தொடர்பாக ஹெரிடேஜ் குளோபல் பார்ட்னர்ஸ் குறிப்பிடுகையில், 631 பொருட்களை பங்கேற்பாளர்கள் வாங்கலாம் குறிப்பிட்டுள்ளனர். இவற்றில் பெரும்பாலானவை ட்விட்டரின் சான் பிரான்சிஸ்கோ அலுவலகத்திலிருந்து சேகரிக்கப்பட்டவை. ஜனவரி 18, இன்றிரவு 11:30 PM IST வரை ஏலம் எடுக்கலாம், எதிர்பார்த்தபடி, நாள் செல்லச் செல்ல விலைகள் அதிகரிக்கும்.

ஏலத்தில் உள்ள பொருட்களும், அதன் விலையும்:

$20,000க்கு (சுமார் ரூ. 16 லட்சம்) ட்விட்டர் பறவை சிலை உள்ளிட்ட சில வினோதமான பொருட்கள் அதிக ஏலம் விடப்பட்டுள்ளன. சில செடிகொடிகளுடன் கூடிய ட்விட்டரின் "@" குறியீடு ஏலத்தில் உள்ளது. இதன் தற்போதைய ஏலம் $8,000 ஆகும், இந்திய மதிப்பில் இது தோராயமாக ரூ. 6.53 லட்சம். 

Samsung Galaxy A14, A23 5G ஸ்மார்ட்போன்கள் இந்தியாவில் அறிமுகம்!

ட்விட்டர் அலுவலகத்திற்கு வந்த விருந்தினர்கள் மற்றும் ஊழியர்கள் முன்பு பயன்படுத்திய சில பிரீமியம் மர நாற்காலிகள் $1,000 (ரூ. 81,000)க்கு விற்கப்படுகின்றன. N95 முகமூடிகளையும் ஏலம் எடுத்துள்ளனர். KN95 பாதுகாப்பு முகமூடிகளின் தொகுப்பு (மொத்தம் 20,800 யூனிட்கள்) $350 (தோராயமாக ரூ. 28,000) விற்கப்படுகிறது.

மற்றபடி எலெக்ட்ரிக் ஓவன்கள், குளிரூட்டப்பட்ட பீஸ்ஸா தயாரிப்பு அட்டவணைகள், காய்கறி உலர்த்திகள் மற்றும் சமையலறைக்கான துருப்பிடிக்காத ஸ்டீல் டேபிள்கள் ஆகியவையும்  ஏலத்தில் உள்ளன.  ட்விட்டர் பிரீமியம் அலுவலக கருவிகள் மற்றும் கேஜெட்களை ஏலம் விடுகிறது. ட்விட்டருக்குச் சொந்தமான 27-இன்ச் மேக் கம்ப்யூட்டர்கள் $1,200 (தோராயமாக ரூ. 98,000), மேலும் பல சாம்சங் டிவிகளும் ஏலத்தில் விடப்பட்டுள்ளன.
 

Follow Us:
Download App:
  • android
  • ios