குறைந்த விலையில் Lava Yuva 2 Pro ஸ்மார்ட்போன் அறிமுகம்!
6.5 இன்ச்HD+ டிஸ்ப்ளே, ஹீலியோ G37 பிராசசருடன் குறைந்த விலையில் Lava Yuva 2 Pro ஸ்மார்ட்போன் அறிமுகம் செய்யப்பட்டுள்ளது. இதன் விலை மற்றும் சிறப்பம்சங்களை இங்குக் காணலாம்.
கடந்த ஆண்டு லாவா நிறுவனம் யுவா என்ற பெயரில் ஸ்மார்ட்போன் அறிமுகம் செய்தது. அதன் தொடர்ச்சியாக தற்போது லாவா யுவா 2 ப்ரோ ஸ்மார்ட்போனை அறிமுகம் செய்துள்ளது. இது 4ஜி ஸ்மார்ட்போன் ஆகும். 6.5-இன்ச் HD+ டிஸ்ப்ளே கொண்டுள்ளது. இதற்கு முந்தைய A22 ஸ்மார்ட்போனுட் ஒப்பிடும்போது இதில் மீடியாடெக் ஹீலியோ G37 SoC பிராசசர் இருப்பது சிறப்பு. மேலும் 3GB விர்ச்சுவல் ரேம் உடன் 4GB ரேம் உள்ளது.
லாவாவின் புதிய யுவா 2 ப்ரோ ஸ்மார்ட்போனில் ஆண்ட்ராய்டு 12 தளம் உள்ளது. கேமராவைப் பொறுத்தவரையில் 13-மெகாபிக்சல் பின்புற கேமராவுடன், VGA டெப்த் சென்சார் கேமர உள்ளது. முன்பக்கத்தில் 5MP சென்சாரில் செல்ஃபி கேமரா வழங்கப்பட்டுள்ளது. பக்கவாட்டில் கைரேகை ஸ்கேனர், USB Type-C , 10W சார்ஜிங் வசதி, 5000 mAh சக்தி கொண்ட பேட்டரி ஆகிய அம்சங்கள் உள்ளன.
விலை மற்றும் விற்பனை தேதி:
Lava Yuva 2 Pro ஆனது கிளாஸ் வயிட், கிளாஸ் கிரீன், கிளாஸ் லாவண்டர் ஆகிய நிறங்களில் அறிமுகம் செய்யப்பட்டுள்ளது, இதன் விலை ரூ. 7,999 ஆகும். வாடிக்கையாளர்கள் லாவா நிறுவனத்தின் அதிகாரப்பூர்வ இணையதளம் மற்றும் வெளிக்கடைகளில் வாங்கலாம். 9 முதல் 12ஆம் வகுப்பு வரை படிக்கும் மாணவர்களுக்கு ரூ.12,000 வரையிலான கல்வி சார்ந்த உபகரணங்களை இலவசமாக வழங்குவதற்காக Doubtnut உடன் லாவா கூட்டு சேர்ந்துள்ளது குறிப்பிடத்தக்கது.
Xiaomi 13 சீரிஸ் ஸ்மார்ட்போன்கள் விலை லீக் ஆனது!
லாவா யுவா 2 ப்ரோ சிறப்பம்சங்கள்:
- டிஸ்ப்ளே: 6.5-இன்ச் (1600 × 720 பிக்சல்கள்) HD+ டிஸ்ப்ளே
- பிராசசர்: IMG PowerVR GE8320 GPU கொண்ட ஆக்டா கோர் மீடியாடெக் ஹீலியோ G37 12nm பிராசசர்
- ரேம் மெமரி: 4 ஜிபி ரேம், 64 ஜிபி மெமரி, மைக்ரோ எஸ்டி மூலம் 256 ஜிபி வரை விரிவாக்கக்கலாம்
- பதிப்பு: ஆண்ட்ராய்டு 12
- சிம் வகை: இரட்டை சிம் (நானோ + நானோ + மைக்ரோ எஸ்டி)
- கேமரா: 13MP பின்பக்க கேமரா, VGA டெப்த் சென்சார், VGA கேமரா, LED Flash, 5MP முன்பக்க கேமரா
- சென்சார்: பக்கவாட்டில் பொருத்தப்பட்ட கைரேகை ஸ்கேனர்
- இதர அம்சங்கள்: 3.5mm ஆடியோ ஜாக், FM ரேடியோ
- பரிமாணங்கள்: 164.5x76x9mm; எடை: 204 கிராம்
- 4G VoLTE, Wi-Fi 802.11 ac, ப்ளூடூத் 5.0, GPS + GLONASS, USB Type-C
- பேட்டரி: 10வாட் சார்ஜிங்குடன் 5000எம்ஏஎச் பேட்டரி
சேனலை கிளிக் செய்து பின்தொடரவும்
