Realme 9 Pro : அடுத்த மாதம் இந்தியா வரும் ரியல்மி 9 சீரிஸ் ஸ்மார்ட்போன்கள்
ரியல்மி நிறுவனத்தின் 9 சீரிஸ் ஸ்மார்ட்போன் மாடல்களின் இந்திய வெளியீட்டு விவரங்களை தொடர்ந்து பார்ப்போம்.
ரியல்மி 9 சீரிஸ் ஸ்மார்ட்போன்களின் இந்திய வெளியீடு அடுத்த மாதம் நடைபெற இருப்பதாக தகவல் வெளியாகி உள்ளது. புதிய 9 சீரிஸ் ஸ்மார்ட்போன் மாடல்களை இந்திய சந்தையில் அறிமுகம் செய்வதற்கான பணிகளில் ரியல்மி ஈடுபட்டு வருகிறது. புது ஸ்மார்ட்போன்களின் இந்திய வெளியீடு நடைபெறும் என அறிவித்துள்ள போதும், ஸ்மார்ட்போன்கள் பற்றி ரியல்மி இதுவரை எந்த தகவலையும் வழங்கவில்லை.
எனினும், ரியல்மி 9 சீரிஸ் மாடல்கள் அடுத்த மாதம் இந்தியாவில் அறிமுகம் செய்யப்படும் என கூறப்படுகிறது. ரியல்மி 9 சீரிசில் முதற்கட்டமாக இரண்டு மாடல்கள் மட்டும் அடுத்த மாதம் அறிமுகம் செய்யப்படும் என தகவல் வெளியாகி உள்ளது. இவை ரியல்மி 9 ப்ரோ மற்றும் ரியல்மி 9 ப்ரோ பிளஸ் ஆகும். இதுகுறித்து சந்தை வல்லுனர்கள் வெளியிட்டுள்ள தகவல்களில் ரியல்மி மிட்-ரேன்ஜ் ஸ்மார்ட்போன் மாடல்கள் இந்தியாவில் பிப்ரவரி 16 ஆம் தேதி அறிமுகம் செய்யப்படும் என கூறப்பட்டுள்ளது.
ஐரோப்பிய சந்தையில் இந்த சீரிஸ் அறிமுகம் செய்யப்பட்டதும், மறுநாளே இவை இந்தியாவிலும் அறிமுகம் செய்யப்படும். முந்தைய தகவல்களின் படி ஐரோப்பிய சந்தையில் ரியல்மி 9 சீரிஸ் ஸ்மார்ட்போன்கள் பிப்ரவரி 15 ஆம் தேதி அறிமுகம் செய்யப்பட இருப்பதாக தெரிவித்தன. அதன்படி பிப்ரவரி 16 ஆம் தேதி இவை இந்தியாவில் அறிமுகம் செய்யப்படலாம். இதுபற்றிய அறிவிப்பு விரைவில் ரியல்மி இந்தியா அறிவிக்கும் என தெரிகிறது.
இந்தியாவில் ரியல்மி 9 ப்ரோ சீரிஸ் மாடல்களின் விலை ரூ. 15 ஆயிரத்திற்கும் அதிகமாகவே நிர்ணயம் செய்யப்படும் என ரியல்மி தலைமை செயல் அதிகாரி மாதவ் சேத் ஏற்கனவே தெரிவித்து இருந்தார். இதுவரை வெளியான தகவல்களின் படி ரியல்மி 9 ப்ரோ மாடலில் 6.6 இன்ச் சூப்பர் AMOLED டிஸ்ப்ளே, FHD+ ரெசல்யூஷன், 120Hz ரிப்ரெஷ் ரேட் கொண்டிருக்கும் என கூறப்படுகிறது.
இத்துடன் குவால்காம் ஸ்னாப்டிராகன் 695 5ஜி பிராசஸர், அதிகபட்சம் 8GB ரேம், 128GB மெமரி, புகைப்படங்களை எடுக்க- 64MP பிரைமரி கேமரா, 8MP அல்ட்ரா வைடு சென்சார், 2MP மேக்ரோ கேமரா என மூன்று லென்ஸ்களும், முன்புறம் 16MP செல்ஃபி கேமரா வழங்கப்படும் என தெரிகிறது. ரியல்மி 9 ப்ரோ பிளஸ் மாடலில் AMOLED டிஸ்ப்ளே, 120Hz ரிப்ரெஷ் ரேட், மீடியாடெக் 920 5ஜி பிராசஸர் வழங்கப்படும் என கூறப்படுகிறது.
சேனலை கிளிக் செய்து பின்தொடரவும்
