iPhone 16 சீரிஸ்.. Xiaomi 14 Pro - 2024ஐ குதூகலமாக்கவரும் இரு முக்கிய போன்கள் - உத்தேச ஸ்பெக் & விலை இதோ?
iPhone 16 Series : கடந்த 2023ம் ஆண்டு ஐபோன் 15 சீரிஸ், சாம்சங் S23 சீரிஸ், பிக்சல் 8 சீரிஸ் மற்றும் பல பிரபலமான ஸ்மார்ட்போன்கள் அறிமுகப்படுத்தப்பட்டாலும், இந்த 2024ம் ஆண்டில் பல பிரபலமான பிராண்டுகளின் ஃபிளாக்ஷிப் போன்கள் அறிமுகப்படுத்தப்படும் என எதிர்பார்க்கப்படுகிறது.
அந்த வகையில் இந்த 2024ம் ஆண்டு இரு முக்கிய போன்கள் அறிமுகம் செய்யப்படவுள்ளது. அந்த இரு மொபைல்கள் குறித்து இந்த பதிவில் காணலாம்.
ஆப்பிள் நிறுவனம் அதன் முதன்மையான ஐபோன் 16 ஸ்மார்ட்போன் சீரிஸ் வெளியீட்டு தேதியை அதிகாரப்பூர்வமாக உறுதிப்படுத்தவில்லை, இருப்பினும் சமீபத்திய ஊடக அறிக்கைகளின்படி ஐபோன் நிறுவனம் வருகின்ற செப்டம்பர் 2024ல் அதன் பிரீமியம் ஸ்மார்ட்போன்களை (ஐபோன் 16 சீரிஸ்) வெளியிட முடிவு செய்யலாம் என்று தகவல்கள் வெளியாகியுள்ளது. iOS 18 இயங்குதளத்துடன் மென்பொருள் துறையில் AI- அடிப்படையிலான மேம்படுத்தல்களை கொண்டிருக்கும் என்று எதிர்பார்க்கப்படுகிறது. மேலும் ஐபோன் 16 சீரிஸ் ஆரம்ப விலை 80,000 வரை நிர்ணயம் செய்யப்படலாம் என்றும் கூறப்படுகிறது.
Xiaomi 14 Pro இந்த ஆண்டு அக்டோபரில் ஒரு வெளியீட்டு நிகழ்வில் சீன ஸ்மார்ட்போன் தயாரிப்பாளரால் அறிமுகப்படுத்தப்பட்டது. இருப்பினும், சியோமியின் இந்த பிரீமியம் ஸ்மார்ட்போன் பிப்ரவரி 2024 இல் நடைபெறும் மொபைல் வேர்ல்ட் காங்கிரஸ் 2024ல் வெளியிடப்படலாம் என்று தகவல்கள் தெரிவிக்கின்றன.
Xiaomi 14 Pro, Qualcomm Snapdragon 8 Gen 3 செயலி மற்றும் WQHD+ தெளிவுத்திறனுடன் கூடிய 6.7 இன்ச் டிஸ்ப்ளே, 3,000 nitsன் உச்ச பிரைட்னெஸ் மற்றும் 522ppi பிக்சல் டென்சிட்டி ஆகியவற்றைக் கொண்டுள்ளது. பிரீமியம் ஸ்மார்ட்போன் 120W வயர்டு சார்ஜிங் மற்றும் 50W வயர்லெஸ் சார்ஜிங்கிற்கான ஆதரவுடன் 4880mAh பேட்டரியைப் பெறுகிறது. இதன் விலை 1,18,000 வரை நிர்ணயம் செய்யப்படலாம் என்று எதிர்பார்க்கப்படுகிறது.
மொபைல் வாங்க போறீங்களா? கொஞ்சம் வெயிட் பண்ணுங்க! ஜனவரியில் வெளியாகும் ஸ்மார்ட்போன்களை பாருங்க
சேனலை கிளிக் செய்து பின்தொடரவும்
