Google கூகுளின் புதிய AI சான்றிதழ் படிப்பு அறிமுகம். 10 மணிநேரத்தில் முடித்து வேலைவாய்ப்பை உறுதி செய்யுங்கள். ஜெமினி AI கருவிகள் இலவசம் .லட்சக்கணக்கில் கொட்டிக்கிடக்கும் வேலைவாய்ப்புகள்!
இன்றைய வேகமான டிஜிட்டல் உலகில், செயற்கை நுண்ணறிவு (AI) என்பது வெறும் தொழில்நுட்பம் மட்டுமல்ல, அது வேலைவாய்ப்பு சந்தையின் தவிர்க்கமுடியாத அங்கமாக மாறிவிட்டது. இதனை கருத்தில் கொண்டு, கூகுள் நிறுவனம் தொழில்முறை பணியாளர்களுக்காக பிரத்யேகமான 'Google AI Professional Certificate' எனும் சான்றிதழ் படிப்பை கோர்செரா (Coursera) தளத்தில் அறிமுகப்படுத்தியுள்ளது.
ஏன் இந்த படிப்பு இப்போது?
பெய்ன் & கம்பெனி (Bain & Company) அறிக்கையின்படி, இந்தியாவில் 2027-ஆம் ஆண்டிற்குள் சுமார் 2.3 மில்லியன் AI சார்ந்த வேலைவாய்ப்புகள் உருவாகும் என எதிர்பார்க்கப்படுகிறது. ஆனால், தற்போது நம்மிடம் 1.2 மில்லியன் தகுதியுள்ள பணியாளர்கள் மட்டுமே உள்ளனர். இந்த ஒரு மில்லியன் பணியாளர் இடைவெளியை நிரப்பவும், இந்திய இளைஞர்களை சர்வதேச தரத்திற்கு உயர்த்தவும் கூகுள் இந்த முயற்சியை எடுத்துள்ளது.
10 மணிநேரத்தில் புதிய திறன்
இந்த பாடத்திட்டம் மிகவும் எளிமையாகவும், அதேசமயம் ஆழமான கருத்துக்களை கொண்டதாகவும் வடிவமைக்கப்பட்டுள்ளது. மொத்தம் 7 சிறு பாடப்பிரிவுகள் (Short Courses) மற்றும் ஒரு செயல்முறைத் திட்டம் (Capstone Project) இதில் அடங்கும். சுமார் 10 மணிநேரத்திலேயே இந்தப் படிப்பை முடித்து சான்றிதழ் பெற முடியும் என்பது இதன் சிறப்பம்சமாகும்.
Related Articles
கைகொடுக்கும் கூகுள் AI புரோ (Google AI Pro)
இந்த படிப்பில் சேரும் மாணவர்களுக்கு மற்றுமொரு ஜாக்பாட் காத்திருக்கிறது. பயிற்சியின் ஒரு பகுதியாக, கூகுளின் மேம்படுத்தப்பட்ட AI கருவிகளான Gemini, NotebookLM மற்றும் AI Studio ஆகியவற்றை உள்ளடக்கிய 'Google AI Pro' சந்தாவை 3 மாதங்களுக்கு இலவசமாகப் பயன்படுத்திக் கொள்ளலாம். இதன் மூலம் நிஜ கால சூழலில் AI கருவிகளை எவ்வாறு கையாள்வது என்ற நேரடி அனுபவம் கிடைக்கும்.
யாரெல்லாம் விண்ணப்பிக்கலாம்?
ஆராய்ச்சி, திட்டமிடல், தகவல் தொடர்பு, உள்ளடக்க உருவாக்கம் (Content Creation) மற்றும் தரவு பகுப்பாய்வு (Data Analysis) போன்ற துறைகளில் சாதிக்க நினைக்கும் எவரும் இந்தப் படிப்பில் சேரலாம். ஏற்கனவே வேலை பார்த்துக்கொண்டிருப்பவர்கள் தங்கள் திறனை மேம்படுத்திக்கொள்ள (Upskilling) இது ஒரு பொன்னான வாய்ப்பாகும்.
விண்ணப்பிப்பது எப்படி?
விருப்பமுள்ளவர்கள் Coursera இணையதளத்திற்குச் சென்று 'Google AI Professional Certificate' என்று தேடி பதிவு செய்து கொள்ளலாம். இந்தப் படிப்பை வெற்றிகரமாக முடிப்பவர்களுக்கு கூகுள் வழங்கும் அங்கீகரிக்கப்பட்ட சான்றிதழ் கிடைக்கும், இது உங்கள் ரெஸ்யூமிற்கு (Resume) கூடுதல் பலத்தை சேர்க்கும்.
