இந்தியாவில் தயாராகும் ஆப்பிள் ஐ போன்....!!! தயாரிப்பு பணிகள் மும்முரம் .....!!!
இந்தியாவில் தயாராகும் ஆப்பிள் ஐ போன்....!!! தயாரிப்பு பணிகள் மும்முரம் .....!!!
ஸ்மார்ட் போன் தயாரிப்பில், பிரபலமான ஆப்பிள் நிறுவனம் தற்போது, ஐ போன் தயாரிப்பில் மிகவும் மும்முரமாக இறங்கியுள்ளது.
இந்தியாவை பொருத்தவரை, ஆப்பிள் ஐ போனுக்கு நல்ல வரவேற்பு கிடைத்துள்ளது. இந்நிலையில், ரூபாய் நோட்டு செல்லாது என அறிவித்த பின்பு, பலரும் தங்களிடமிருந்த , கணக்கில் வராத பணத்தில் , விலை உயர்ந்த பல பொருட்களை வாங்கி குவித்தனர்.அதில் ஆப்பிள் ஐ போனும் ஒன்று. இதனால், முன்னதாக முன்பதிவு செய்திருந்த பலருக்கும் , ஐ போன் கிடைப்பதில் தாமதம் ஏற்பட்டது.
இந்தியாவில் உற்பத்தி எங்கு நடக்க உள்ளது....?
தற்போது, ஐ போனுக்கு தட்டுப்பாடு நிலவுவதால், ஆப்பிள் நிறுவனம் ஐ போன் தயாரிப்பில் மும்முரம் காட்டி வருகிறது. இந்நிலையில், தற்போது, ஆப்பிள் நிறுவன தலைமை செயல் அதிகாரி பிரதமர் நரேந்திர மோடியுடன், கடந்த மே மாதத்தில் , இந்தியாவில் ஆப்பிள் ஐ போன் தயாரிப்பு குறித்து பேச்சு வார்த்தை நடத்தி உள்ளார் என்பது குறிப்பிடத்தக்கது.
இதனை தொடர்ந்து, பெங்களூர் மற்றும் பீன்யா இந்த இரண்டு இடத்திலும் , ஐ போன் தயாரிப்பு வரும் ஆண்டு 2017 ஏப்ரல் மாதத்தில் தொடங்க திட்டமிடப்பட்டுள்ளது.
தயாரிப்பு பணியில் பாக்ஸ்கான்.....!!!
இதனிடையே , ஆப்பிள் நிறுவனத்துடன் , ஐ போன் உற்பத்தியில் கைகோர்த்துள்ள பாக்ஸ்கான் நிறுவனம், தற்போது தயாரிப்பு பணிக்காக மகாராஷ்டிரா மாநிலத்தில் இடம் தேடி வருகிறது.மேலும், பாக்ஸ்கான் நிறுவனம், ஆப்பிள் நிறுவனம் தவிர்த்து , OnePlus and Xiaomi உள்ளிட்ட நிறுவனத்துடன் இணைந்து, ஸ்மார்ட் போன் உற்பத்தியில் ஈடுபட்டுள்ளது என்பது குறிப்பிடத்தக்கது.
அதே சமயத்தில் மத்திய அரசும், சீன தயாரிப்பு ஸ்மார்ட் போன்களை இந்தியாவில் தயாரிக்க ஆர்வம் காட்டுகிறது என்பது குறிப்பிடத்தக்கது.
சேனலை கிளிக் செய்து பின்தொடரவும்
