Apple உங்கள் காரின் ஸ்கிரீனில் ஆப்பிள் டிவி சீரிஸ் மற்றும் திரைப்படங்களை பார்க்கும் புதிய வசதியை ஆப்பிள் கார் பிளே (Apple CarPlay) விரைவில் வழங்க உள்ளது. இந்த 'AirPlay Video in the Car' அப்டேட் பற்றிய முழு தகவல்களையும் தெரிந்துகொள்ளுங்கள்.
நீண்ட தூர கார் பயணங்களின் போது காரை ஓரமாக நிறுத்திவிட்டு ஓய்வெடுப்பது பலருக்கும் வழக்கம். அந்த நேரங்களில் மொபைல் திரையை பார்த்து போர் அடித்தவர்களுக்கு ஒரு சூப்பர் அறிவிப்பை ஆப்பிள் நிறுவனம் விரைவில் வெளியிடவுள்ளது. இனி ஆப்பிள் ஐபோன் (iPhone) பயனர்கள் தங்களது கார் திரையிலேயே ஆப்பிள் டிவி (Apple TV) நிகழ்ச்சிகள் மற்றும் திரைப்படங்களை நேரடியாக ஸ்ட்ரீம் செய்து பார்க்க முடியும்!
'AirPlay Video in the Car' வசதி என்றால் என்ன?
ஆப்பிள் நிறுவனம் தனது ஐஓஎஸ் 26.4 பீட்டா (iOS 26.4 beta) வெர்ஷனில் இந்த புதிய வசதியை சோதனை செய்து வருகிறது. இதன்படி, ஆப்பிள் கார் பிளே (CarPlay) சப்போர்ட் உள்ள கார்களில், ஐபோன் மூலம் வீடியோக்களை AirPlay வழியாக கார் திரையில் நேரடியாக ஒளிபரப்ப முடியும். இது வெறும் ஸ்கிரீன் மிரரிங் (Screen Mirroring) மட்டுமல்ல; மாறாக ஆப்பிள் டிவிக்கான தனி இன்டர்ஃபேஸ் (Interface) கார் திரையிலேயே கிடைக்கும்.
இதன் மூலம் உங்களால் என்ன செய்ய முடியும்?
• நீங்கள் ஐபோனில் பார்த்து பாதியில் விட்ட படங்களை, காரின் ஸ்கிரீனில் தொடர்ந்து பார்க்க முடியும்.
Related Articles
• கார் திரையில் இருந்தபடியே புதிய எபிசோடுகளை தேர்வு செய்து பிளே செய்யலாம்.
• மொபைல் ஸ்கிரீனை பார்ப்பது போல அல்லாமல், ஒரு முழுமையான ஆப் (App) அனுபவத்தை கார் திரையில் பெறலாம்.
முக்கியமான கட்டுப்பாடு: ஓடும் காரில் பார்க்க முடியாது!
பாதுகாப்பு காரணங்களுக்காக ஆப்பிள் நிறுவனம் ஒரு முக்கிய கட்டுப்பாட்டை விதித்துள்ளது. அதாவது, கார் பார்க்கிங்கில் (Parked) நிறுத்தப்பட்டிருக்கும் போது மட்டுமே இந்த வீடியோ வசதி வேலை செய்யும். கார் ஓடும்போது கவனச்சிதறல் ஏற்பட்டு விபத்துகள் நடப்பதைத் தடுக்கவே இந்த நடவடிக்கை எடுக்கப்பட்டுள்ளது. நீங்கள் டிரைவிங் செய்யும்போது வீடியோக்களை பிளே செய்ய முடியாது.
இந்த வசதி எல்லா கார்களிலும் கிடைக்குமா?
இங்குதான் நீங்கள் ஒரு விஷயத்தை கவனிக்க வேண்டும். இந்த அம்சம் அனைத்து கார்களிலும் உடனடியாக வேலை செய்யாது. கார் தயாரிப்பு நிறுவனங்கள் தங்களது இன்ஃபோடெயின்மென்ட் சிஸ்டத்தில் (Infotainment systems) CarPlay மற்றும் AirPlay ஆகிய இரண்டையும் சப்போர்ட் செய்யும் வகையில் சாப்ட்வேர் அப்டேட்களை வழங்கினால் மட்டுமே இதை இந்திய பயனர்கள் பயன்படுத்த முடியும்.
கூடுதல் சிறப்பம்சம்: வாய்ஸ் ஆப் சப்போர்ட் (Voice App Support)
iOS 26.4 பீட்டா அப்டேட்டில் வீடியோ வசதி மட்டுமின்றி, மூன்றாம் தரப்பு AI செயலிகளுக்கான வாய்ஸ் கமாண்ட் வசதியும் CarPlay-ல் அறிமுகப்படுத்தப்படலாம் எனத் தெரிகிறது. ஆனால், பாதுகாப்பைக் கருத்தில் கொண்டு "Hey Siri" என்பது போல இல்லாமல், மேனுவலாக ஆப்பை திறந்து பயன்படுத்தும் வகையிலேயே இது வடிவமைக்கப்படலாம்.
எப்போது வெளியாகும்?
இந்த புதிய கார் பிளே வசதி எப்போது அதிகாரப்பூர்வமாக வெளியாகும் என்பதை ஆப்பிள் நிறுவனம் இன்னும் உறுதிப்படுத்தவில்லை. இருப்பினும் iOS 26.4 பீட்டாவில் இந்த அம்சம் இடம்பெற்றுள்ளதால், வரும் மாதங்களில் இது பயன்பாட்டிற்கு வரலாம் என எதிர்பார்க்கப்படுகிறது.
கார் பயணங்களின் போது ஓய்வு எடுக்கும் நேரத்தை இனி ஆப்பிள் டிவி மூலம் மேலும் சுவாரஸ்யமாக மாற்ற இந்த புதிய அம்சம் நிச்சயமாக உதவும்!
