2030க்குள் குடிசை இல்லா தமிழகம்... ஒரு வருடத்தில் ஒரு லட்சம் கான்கிரீட் வீடுகள்.! தமிழக பட்ஜெட்டில் அறிவிப்பு

தமிழக பட்ஜெட் இன்று தாக்கல் செய்யப்பட்டது. இந்த பட்ஜெட்டை நிதி அமைச்சர் தங்கம் தென்னரசு தாக்கல் செய்தார் .அப்போது அவர் வெளியிட்ட முக்கிய அறிவிப்புகள்

• மொழித் தொழில்நுட்ப தொழில் நிறுவனங்களுக்கு 5 கோடி ரூபாய் நிதி உதவி

 

• தரணியெங்கும் தமிழ், மொழிபெயர்க்கப்பட்ட தமிழ் நூல்கள் உலகின் தலைசிறந்த 100 பல்கலைக்கழகங்கள் நூலகங்களில் இடம்பெற ஏற்பாடு செய்யப்படும். இதற்காக இரண்டு கோடி ரூபாய் ஒதுக்கீடு.

 

• கீழடி உட்பட 8 இடங்களில் அகழாய்வு மேற்கொள்ள ஒரு 5 கோடி ரூபாய் ஒதுக்கீடு, நாட்டிலேயே அகழாய்வுக்கு அதிக தொகை ஒதுக்கிய மாநிலம் தமிழ்நாடு.

 

• கீழடியில் திறந்தவெளி அரங்கம் அமைக்க 17 கோடி ரூபாய் ஒதுக்கீடு.

 

• 2030க்குள் குடிசை இல்லாத தமிழ்நாடு உருவாக்கப்படும். 6ஆண்டுகளில் 8 லட்சம்ன்கிரீட் வீடுகள் அமைக்கப்படும் 2024-25 இல் ஒரு லட்சம் வீடுகள் கட்டப்படும். ஒரு வீட்டின் மதிப்பு 3.5  லட்சம்

 

• 2000 புதிய மேல்நிலை நீர் தேக்க தொட்டிகள் 365 கோடி மதிப்பீட்டில் கட்ட நிதி ஒதுக்கீடு செய்யப்பட்டுள்ளது.

 

• 5000 ஏரி,குளங்கள் 500 கோடி ரூபாய் மதிப்பீட்டில் புனரமைப்பு செய்யப்படும்.

 

• வடசென்னை வளர்ச்சி திட்டத்தில் புதிய குடியிருப்புகள், திறன்மிகு பள்ளிகள், தொழிற்பயிற்சி மையங்கள், மருத்துவமனைகள்,ஏரிகள் சீரமைப்பு மேற்கொள்வதற்கு ஆயிரம் கோடி ரூபாய் ஒதுக்கீடு

 

• முதலமைச்சரின் கிராம சாலைகள் திட்டத்திற்கு ஆயிரம் கோடி ரூபாய் ஒதுக்கீடு

 

• ஐந்து லட்சம் ஏழை குடும்பங்களை கண்டறிந்து வறுமையை அகற்றிட முதலமைச்சரின் தாயுமானவர் வறுமை ஒழிப்புத் திட்டம்.

 

• அடையாறு நதி சீரமைப்புக்கு 1500 கோடி ரூபாய் ஒதுக்கீடு செய்யப்படும்.

 

• பூந்தமல்லியில் அதிநவீன திரைப்பட நகரம் 500 கோடி ரூபாய் ஒதுக்கீடு செய்யப்படும்