12-ம் வகுப்பு தேர்வு முடிவுகள்.. முதலிடம் பிடித்த விருதுநகர்! கடைசி இடத்தில் எந்த மாவட்டம் தெரியுமா?

தமிழகத்தில் கடந்த மார்ச் 13-ம் தேதி தொடங்கிய 12-ம் வகுப்பு ஏப்ரல் 3 வரை நடைபெற்றது. தனித்தேர்வர்கள், மாற்றுத்திறனாளிகள், பள்ளி மாணவர்கள் உள்ளிட்ட  8.17 லட்சம் மாணவர்கள் இந்த தேர்வை எழுதினர். வினாத்தாள் திருத்தும் பணிகள் மாநிலம் முழுவதும் 79 மையங்களில் ஏப்ரல் 10 முதல் 21 வரை நடைபெற்றது.  12-ம் வகுப்பு தேர்வு முடிவுகள் மே 5-ம் தேதி வெளியாகும் என்று முதலில் அறிவிக்கப்பட்டது. ஆனால் நீட் தேர்வு மே 7-ம் தேதி நடந்ததால் மாணவர்களின் நலன் கருதி தேர்வு முடிவுகள் வெளியாகும் தேதி மாற்றப்பட்டு மே 8-ல் தேர்வு முடிவுகள் வெளியாகும் என்று அறிவிக்கப்பட்டது.

இந்நிலையில் தமிழகத்தில் 12-ம் வகுப்பு பொதுத்தேர்வு முடிவுகள் இன்று காலை 9.30 மணிக்கு வெளியானது. சென்னை அண்ணா நூற்றாண்டு நூலக வளாகத்தில். 12-ம் வகுப்பு தேர்வு முடிவுகளை பள்ளிக்கல்வித்துறை அமைச்சர் அன்பில் மகேஷ் வெளியிட்டார்.

இதையும் படிங்க : TN 12th Result 2023: 12ம் வகுப்பு பொதுத்தேர்வு முடிவுகள் வெளியானது.. மாணவிகளை ஓவர்டேக் செய்தார்களா மாணவர்கள்?

 

அதன்படி 8,03,385 தேர்வர்கள் தேர்வு எழுதியதில் 7,55,451 பேர் தேர்ச்சி பெற்றனர். மாணவர்களின் தேர்ச்சி விகிதம் 94.03% ஆகும். மாணவர்கள் 91.45%, மாணவிகள் 96.38% தேர்ச்சி பெற்றுள்ளனர். அதாவது மாணவர்களை விட மாணவிகள் 4.93% பேர் தேர்ச்சி பெற்றுள்ளனர்.  97.85% தேர்ச்சி சதவீதத்துடன் விருதநகர் மாவட்டம் முதலிடம் பிடித்துள்ளது. அதே நேரம் 86.69% தேர்ச்சி விகிதத்துடன் கிருஷ்ணகிரி மாவட்டம் கடைசி இடத்தில் உள்ளது.

அதிகம் தேர்ச்சி சதவீதம் பெற்ற முதல் 3 மாவட்டங்கள் : 

விருதுநகர் - 97.85%

திருப்பூர் - 97.79%

பெரம்பலூர் -97.59%

மாவட்ட வாரியான தேர்ச்சி விவரம் :

கன்னியாகுமரி - 97.05%

திருநெல்வேலி - 96.61%

தென்காசி - 95.96%

தூத்துக்குடி - 97.36%

ராமநாதபுரம் - 96.30%

விருதுநகர் - 97.85%

தேனி - 93.17%

மதுரை - 95.84%

திண்டுக்கல் - 93.77%

ஊட்டி -  93.85%

திருப்பூர் - 97.79%

கோவை - 97.57%

ஈரோடு - 96.98%

சேலம் - 94.22%

நாமக்கல் - 96.94%

கிருஷ்ணகிரி - 86.69%

தர்மபுரி - 92.72%

புதுக்கோட்டை - 92.81%

கரூர் - 94.31%

அரியலூர் - 96.88%

பெரம்பலூர் - 97.59%

திருச்சி - 96.02%

நாகை - 90.68%

மயிலாடுதுறை - 90.15%

திருவாரூர் - 91.46%

தஞ்சாவூர் - 95.18%

விழுப்புரம் - 90.66%

கள்ளக்குறிச்சி - 91.06%

கடலூர் - 92.04%

திருவண்ணாமலை - 89.80%

வேலூர் - 89.20%

திருப்பத்தூர் - 91.13%

ராணிப்பேட்டை - 87.30%

காஞ்சிபுரம் - 90.82%

செங்கல்பட்டு - 92.52%

திருவள்ளூர் - 92.47%

சென்னை - 94.14%

காரைக்கால் - 88.57%

புதுச்சேரி - 93.45

 

இதையும் படிங்க : OPS Meet Sabareesan: சபரீசனை ஓபிஎஸ் சந்தித்தது ஏன்? உண்மையை போட்டுடைத்த மகன் ஜெயபிரதீப்..!