திமுக செயல் தலைவரும், எதிர்கட்சி தலைவருமான மு.க.ஸ்டாலினுக்கு சென்னையில் வசிக்கும் வட இந்திய பெண்கள், ராக்கி கயிறு கட்டி ரக்சா பந்தன் விழாவைக் கொண்டாடினர். ரக்சா பந்தன், விழா இன்று நாடு முழுவதும் கொண்டாடப்படுகிறது.

ரக்சா பந்தன் விழாவையொட்டி, சிறியவர்கள் முதல் பெரியவர்கள் வரை அனைவரும் புத்தாடைகள் அணிந்து, நெல், கோதுமை முதலான தானியங்கள், இனிப்புகள், பணம், சந்தனம், குங்கும் வைத்து விளக்கேற்றினார்கள்.

சகோதரிகள், தங்களின் சகோதரர்களுக்கு ராக்கி கயிற்றை கட்டி தங்களின் அன்பை வெளிப்படுத்தினர். 

பிரதமர் நரேந்திர மோடி உள்ளிட்ட தலைவர்களுக்கும், எல்லையில் போராடும் ராணுவ வீரர்களுக்கும் பெண்கள் ரக்சா பந்தன் கட்டினர்.

சென்னை, ஆழ்வார்பேட்டையில் உள்ள திமுக செயல் தலைவர் மு.க.ஸ்டாலினுக்கு ஜெயின் சமூகத்தை சேர்ந்த பெண்கள் ராக்கி கட்டி அன்பை வெளிப்படுத்தி மகிழ்ந்தனர்.