தமிழகத்தில் 3 ஆயிரத்தை நெருங்கிறது தினசரி கொரோனா… சென்னையில் 1,062 பேருக்கு தொற்று!!

தமிழகத்தில் ஒருநாள் கொரோனா பாதிப்பு எண்ணிக்கை குறைந்து வந்தது. இந்த நிலையில் கடந்த நில நாட்களாக கொரோனா பாதிப்பு அதிகரித்தும் குறைந்தும் பதிவாகி வருகிறது. இந்த நிலையில் கடந்த 24 மணிநேரத்தில் பதிவான கொரோனா பாதிப்பு குறித்து மக்கள் நல்வாழ்வுத்துறை அறிக்கை வெளியிட்டுள்ளது. அதன்படி, தமிழ்நாட்டில் இன்று ஒரே நாளில் 2,743 பேருக்கு கொரோனா தொற்று உறுதி செய்யப்பட்டுள்ளது. நேற்று 2,662 பேருக்கு கொரோனா உறுதி செய்யப்பட்ட நிலையில் இன்று 2,743 ஆக அதிகரித்துள்ளது.

இதையும் படிங்க: மக்களே உஷார்... கைமீறிப் போகும் கொரோனா , தமிழகத்தில் மீண்டும் ஊரடங்கு..? அமைச்சர் எச்சரிக்கை.

சென்னையில் கடந்த 24 மணி நேரத்தில் 1,062 பேருக்கு கொரோனா தொற்று உறுதி செய்யப்பட்டுள்ளது. நேற்று 1,060 பேருக்கு கொரோனா தொற்று உறுதி செய்யப்பட்ட நிலையில் இன்று 1,062 ஆக அதிகரித்துள்ளது. தமிழகத்தில் கொரோனாவால் கடந்த 24 மணி நேரத்தில் ஒருவர் கூட உயிரிழக்கவில்லை. இதை அடுத்து கொரோனாவால் உயிரிழந்தோர் எண்ணிக்கை 38,027 ஆகவே உள்ளது. கொரோனாவால் பாதிக்கப்பட்டு சிகிச்சை பெறுவோரின் எண்ணிக்கை 17,717 ஆக உள்ளது. கொரோனா தொற்றிலிருந்து மேலும் 1,791 பேர் டிஸ்சார்ஜ் செய்யப்பட்டுள்ளனர். இதன் மூலம் குணமடைந்தோர் எண்ணிக்கை 34,35,090 ஆக உள்ளது.

இதையும் படிங்க: எகிறிய கொரோனா.. அதிர்ச்சியில் மக்கள்.. இன்று ஒரே நாளில் 16,159 பேருக்கு தொற்று பாதிப்பு

மாவட்ட வாரியாக: அரியலூர் 6, செங்கல்பட்டு 403, சென்னை 1,062, கோயம்புத்தூர் 127, கடலூர் 21, தர்மபுரி 7, திண்டுக்கல் 12, ஈரோடு 27, கள்ளக்குறிச்சி 21, காஞ்சிபுரம் 94, கன்னியாகுமரி 68, கரூர் 8, கிருஷ்ணகிரி 16, மதுரை 35, மயிலாடுதுறை 2, நாகப்பட்டிணம் 12, நாமக்கல் 21, நீலகிரி 13, பெரம்பலூர் 14, புதுகோட்டை 16, ராமநாதபுரம் 8, ராணிப்பேட்டை 42, சேலம் 43, சிவகங்கை 24, தென்காசி 17, தஞ்சாவூர் 13, தேனி 20, திருப்பத்தூர் 4, திருவள்ளூர் 169, திருவண்ணாமலை 34, திருவாரூர் 18, தூத்துக்குடி 62, திருநெல்வேலி 71, திருப்பூர் 30, திருச்சி 113, வேலூர் 14, விழுப்புரம் 26, விருதுநகர் 50 என்ற எண்ணிக்கையில் கொரோனா வைரஸ் பாதிப்பு பதிவாகி உள்ளது. 

மேலும் சுவாரஸ்யமான செய்திகளுக்கு ஏசியாநெட்நியூஸ் தமிழ் வாட்ஸ்அப் சேனலை கிளிக் செய்து பின்தொடரவும்

• Corona
• Chennai
• Tamilnadu