விமான நிலையத்தில் பாக்கெட் பாக்கெட்டாக சிக்கிய இ-சிகரெட்.. கடத்தல் கும்பலுக்கு செக் வைத்த சுங்கத்துறை
இந்தியாவில் தடை செய்யப்பட்ட இ சிகரெட் வெளிநாடுகளில் இருந்து கடத்தப்பட்டு திருச்சி விமான நிலையத்திற்கு கொண்டு வந்த போது சுங்கத்துறையால் பறிமுதல் செய்யப்பட்டுள்ளது.
 )
Followஇளைஞர்களிடம் அதிகரிக்கும் இ சிகரெட் ஆர்வம்
இளைஞர்கள் மத்தியில் வேப்பிங் எனப்படும் நீராவியை இழுத்து புகைக்கும் பழக்கம் அதிக பாதிப்பை ஏற்படுத்தும் என்பதாலும், உடல் நலத்திற்கு கேடு விளைவிப்பதால், இ-சிகரெட்டு இறக்குமதிக்கும், விற்பனைக்கும் இந்த அரசு தடை விதித்துள்ளது. நிக்கோட்டின், நீர், கரைகின்ற மற்றும் சுவையூட்டும் பொருட்களை கலந்து நீராவியாக உள்ளிழுப்பதுதான் வேப்பிங் எனப்படுகிறது. இந்தியாவில் இ- சிகரெட் உற்பத்தி, தயாரிப்பு, ஏற்றுமதி மற்றும் இறக்குமதி, விற்பனை, விநியோகம் மற்றும் இ-சிகரெட் தொடர்பான விளம்பரம் அனைத்தும் தடை விதிக்கப்பட்டுள்ளது.
2000 முதல் 3,000 ரூபாய் மதிப்புள்ள, இ - சிகரெட் விற்பனையை, 2019ல் தடை செய்தது. ஆனால், இளைஞர்களை கவரும் வகையில் 'ஸ்டைலான' தோற்றத்தில் வெளியாகும் இந்த சிகரெட் புதிய போதை 'பிராண்ட்' ஆக மாறி உள்ளது. பல்வேறு இடங்களில் கள்ளச்சந்தையில் இ-சிகரெட் விற்பனை செய்யப்படுகிறது. இதனை தடுக்க பல்வேறு நடவடிக்கைகள் எடுக்கப்படுகிறது.
வருமான வரி ரீஃபண்ட் உங்களுக்கு கிடைக்கவில்லையா.? அப்போ இது கூட காரணமா இருக்கலாம்.. நோட் பண்ணுங்க..
பாக்கெட் பாக்கெட்டாக சிக்கிய இ சிகரெட்
இருந்த போதும் வெளிநாடுகளில் இருந்து கள்ளத்தனமாக கடத்தப்பட்டு விற்பனை செய்யப்படுகிறது. பல்வேறு சுவைகளில் கள்ளத்தனமாக விற்பனை செய்யப்படும் இ சிகரெட்டிற்கு இளைஞர்கள் அடிமையாகியுள்ளனர். இந்த நிலையில் திருச்சிராப்பள்ளி சர்வதேச விமான நிலையத்திற்கு நேற்று கோலாலம்பூரில் இருந்து படிக் ஏர்லைன்ஸ் விமானம் வந்து இறங்கியது.
அதில் பயணம் செய்த பயணிகளை விமான நிலைய வான் நுண்ணறிவு பிரிவு சுங்கத்துறை அதிகாரிகள் சோதனை செய்தபோது 2 பயணிகள் உடமைகளில் தடை செய்யப்பட்ட அதாவது ஏற்றுமதி மற்றும் இறக்குமதி செய்ய அனுமதி இல்லாத இ.சிகெரெட்களை கடத்தி வந்தது தெரியவந்தது. இதனையடுத்து அவர்களிடம் இருந்து ரூ.32 லட்சத்து 12 ஆயிரம் மதிப்புள்ள 1285 இ.சிகெரெட்டுகள் பறிமுதல் செய்யப்பட்டது.
சேனலை கிளிக் செய்து பின்தொடரவும்
