Asianet News TamilAsianet News Tamil

தியோதர் கோப்பை: இந்திய 'ஏ' அணியை வீழ்த்தியது இந்திய 'பி' அணி...

Theodore Cup Indian B team defeat Indian A team
Theodore Cup Indian B team defeat Indian A team
Author
First Published Mar 5, 2018, 12:27 PM IST


தியோதர் கோப்பை கிரிக்கெட் போட்டியின் முதல் ஆட்டத்தில் இந்திய "பி' அணி 8 விக்கெட்டுகள் வித்தியாசத்தில் இந்திய "ஏ' அணியை வென்றது.

தியோதர் கோப்பை கிரிக்கெட் போட்டி ஹிமாசல பிரதேச மாநிலம் தர்மசாலாவில் நேற்று பகலிரவாக நடைபெற்றது.

இந்த ஆட்டத்தில் முதலில் பேட் செய்த அங்கீத் பாவ்னே தலைமையிலான ஏ அணி 41.2 ஓவர்களில் 178 ஓட்டங்களுக்கு அனைத்து விக்கெட்டுகளையும் இழந்தது. 

அடுத்து ஆடிய ஷ்ரேயஸ் ஐயர் தலைமையிலான பி அணிக்கு டக்வொர்த் லீவிஸ் முறையில் 43 ஓவர்களில் 175 ஓட்ட்னகள் இலக்காக நிர்ணயிக்கப்பட்டது. அந்த அணி 26.2 ஓவர்களில் 2 விக்கெட் இழப்புக்கு 175 ஓட்டங்கள் எடுத்து வென்றது.

டாஸ் வென்ற பி அணி முதலில் பந்துவீச தீர்மானிக்க, பேட் செய்த ஏ அணியில் அதிகபட்சமாக ரிக்கி புய் 5 பவுண்டரிகள், 4 சிக்ஸர்கள் உள்பட 78 ஓட்டங்கள் எடுத்தார். 

பி அணியில் தர்மேந்திர சிங் ஜடேஜா 4 விக்கெட்டுகள் சாய்த்தார்.

பின்னர் ஆடிய பி அணியில் ஹனுமா விஹாரி 16 பவுண்டரிகள், ஒரு சிக்ஸர் உள்பட 95 ஓட்டங்கள், ஷ்ரேயஸ் ஐயர் 28 ஓட்டங்களுடன் ஆட்டமிழக்காமல் அணியை வெற்றிக்கு வழிநடத்தினர். 

அபிமன்யு ஈஸ்வரன் 43 ஓட்டங்கள், ஸ்ரீகர் பரத் 8 ஓட்டங்ளுக்கு ஆட்டமிழந்தனர். 

ஏ அணி தரப்பில் முகமது ஷமி, கிருணால் பாண்டியா தலா ஒரு விக்கெட் வீழ்த்தினர்.

அதன்படி, தியோதர் கோப்பை போட்டியின் முதல் ஆட்டத்தில் இந்திய "பி' அணி 8 விக்கெட்டுகள் வித்தியாசத்தில் இந்திய "ஏ' அணியை வென்றது.

Follow Us:
Download App:
  • android
  • ios