Asianet News TamilAsianet News Tamil

காது அறுபட்ட கோலி!! ரசிகர்கள் சோகம்

kohli wax statue damaged
kohli wax statue damaged
Author
First Published Jun 8, 2018, 8:25 AM IST


டெல்லி மேடம் டுஸாட்ஸ் அருங்காட்சியகத்தில் வைக்கப்பட்டிருந்த விராட் கோலியின் மெழுகு சிலையில் காது பகுதியில் சேதம் ஏற்பட்டதால், சரிசெய்ய அனுப்பி வைக்கப்பட்டுள்ளது. 

சமகால கிரிக்கெட்டின் மிகச்சிறந்த கிரிக்கெட் வீரரும் இந்திய அணியின் கேப்டனுமான விராட் கோலி, பல சாதனைகளுக்கு சொந்தக்காரராக திகழ்கிறார். சச்சினின் பெரும்பாலான சாதனைகளை நெருங்கிவிட்டார் கோலி. இந்திய கிரிக்கெட்டின் மிகப்பெரிய சக்தியாக கோலி விளங்குகிறார்.

kohli wax statue damaged

இந்நிலையில், கோலியை கௌரவிக்கும் விதமாக, அவரது சொந்த ஊரான டெல்லியில் உள்ள மேடம் டுஸாட்ஸ் அருங்காட்சியகத்தில் விராட் கோலிக்கு மெழுகு சிலை ஒன்று அமைக்கப்பட்டு நேற்று திறக்கப்பட்டது. 

கபில் தேவ், சச்சின் டெண்டுல்கர், மெஸ்சி, உசைன் போல்ட் ஆகியோருக்கு அடுத்தபடியாக விராட் கோலிக்குத்தான் அந்த அருங்காட்சியகத்தில் மெழுகு சிலை அமைக்கப்பட்டது.

kohli wax statue damaged

அந்த மெழுகு சிலையை கண்டு மகிழ்ந்த கோலியின் ரசிகர்கள், அந்த சிலையுடன் செல்ஃபி எடுத்துக்கொண்டனர். 

kohli wax statue damaged

இந்நிலையில், கோலி சிலையின் காது பகுதியில் சிறு சேதம் ஏற்பட்டிருக்கிறது. ரசிகர்கள் செல்ஃபி எடுக்கும்போது அந்த சேதம் ஏற்பட்டிருக்கலாம். இதையடுத்து அருங்காட்சியகத்திலிருந்து சிலை அகற்றப்பட்டு சரிசெய்ய அனுப்பி வைக்கப்பட்டுள்ளது. 
 

Follow Us:
Download App:
  • android
  • ios