சென்னையில் சர்வதேச கிரிக்கெட் போட்டி: பிசிசிஐ அறிவிப்பு!
இந்தியாவில் அக்டோபர் மாதம் பயணம் மேற்கொள்ளும் மேற்கிந்தியத் தீவுகள் கிரிக்கெட் அணி டெஸ்ட், ஒருநாள் மற்றும் டி20 போட்டிகளில் விளையாட உள்ளது.
இந்தியாவில் அக்டோபர் மாதம் பயணம் மேற்கொள்ளும் மேற்கிந்தியத் தீவுகள் கிரிக்கெட் அணி டெஸ்ட், ஒருநாள் மற்றும் டி20 போட்டிகளில் விளையாட உள்ளது. இந்தியாவுக்கு அக்டோபர் மாதம் சுற்றுப்பயணம் மேற்கொண்டு மேற்கிந்தியத் தீவுகள் அணி விளையா உள்ளது. இதில் 2 டெஸ்ட் போட்டிகள், 5 ஒருநாள் போட்டிகள், 3 டி20 போட்டிகள் அடங்கும். 
இது குறித்து பிசிசிஐ வெளியிட்ட அறிவிப்பில் கூறப்பட்டு இருப்பதாவது: இந்தியாவுக்கு 7 வாரங்கள் பயணம் மேற்கிந்தியத்தீவுகள் பயணம் மேற்கொள்கிறது. இரு அணிகளுக்கு இடையிலான முதல் டெஸ்ட் போட்டி அக்டோபர் 4-ம் தேதி முதல் 8-ம் தேதி வரை ராஜ்கோட்டில் நடக்கிறது. 2-வது டெஸ்ட் போட்டி 12-ம் தேதி முதல் 16-ம் தேதி வரை ஹைதராபாத்தில் நடக்கிறது. 
5 போட்டிகள் கொண்ட ஒருநாள் தொடர் அக்டோர் 21 முதல் நவம்பர் 1-ம் தேதி வரை நடக்கிறது. முதல் ஒருநாள் போட்டி அக்டோபர் 21-ம் தேதி கவுகாத்தியிலும், 2-வது போட்டி 24-ம்தேதி இந்தூரிலும், 3-வது ஒருநாள் போட்டி 27-ம் தேதி புனேயிலும் நடக்கின்றன. 4-வது ஒருநாள் போட்டி 29-ம் தேதி திருவனந்தபுரத்திலும், 5-வது மற்றும் கடைசி போட்டி நவம்பர் 1-ம் தேதி மும்பையிலும் நடக்கிறது.
அதன்பின் 3 போட்டிகள் கொண்ட டி20 போட்டித் தொடர் நடைபெறவுள்ளது. முதல் டி20 போட்டி நவம்பர் 4-ம் தேதி கொல்கத்தாவிலும், 2-வது ஆட்டம் நவம்பர் 6-ம் தேதி லக்னோவிலும், சென்னையில் நவம்பர் 11-ம் தேதி 3-வது டி20 போட்டி நடைபெறவுள்ளது. இவ்வாறு அந்த அறிவிப்பில் தெரிவிக்கப்பட்டுள்ளது.
சேனலை கிளிக் செய்து பின்தொடரவும்
