ஹாட்ரிக் கோல் போட்ட மந்தீப் சிங் - ஜப்பானை கதறவிட்டது இந்திய அணி
மலேசியாவில் நடந்து வரும் அஸ்லான் ஷா ஹாக்கி போட்டியில், இன்று நடந்த லீக் ஆட்டத்தில், ஜப்பான் அணியை 3-4 என்ற கோல் கணக்கில் விரட்டியது இந்திய அணி.
26-வது அஸ்லான் ஷா ஆக்கி போட்டி மலேசியாவின் இபோக் நகரில் நடந்து வருகிறது. இதில் நடப்பு சாம்பியன் ஆஸ்திரேலியா, இந்தியா, மலேசியா, இங்கிலாந்து, ஜப்பான், நியூசிலாந்து ஆகிய 6 அணிகள் பங்கேற்றுள்ளன. ஒவ்வொரு அணியும் மற்ற அணிகளுடன் தலா ஒரு முறை மோத வேண்டும். லீக் முடிவில் முதல் 2 இடங்களை பிடிக்கும் அணிகள் இறுதிப்போட்டிக்கு முன்னேறும்.
இந்த போட்டி தொடரில் முதல் ஆட்டத்தில் இங்கிலாந்துடன் டிரா செய்த இந்திய அணி, அடுத்த ஆட்டத்தில் 3-0 என்ற கோல் கணக்கில் நியூசிலாந்தை வீழ்த்தியது,ஆஸ்திரேலியாவிடம் நேற்று தோல்விகண்டது.
இந்நிலையில், இன்று நடந்த லீக் ஆட்டத்தில் கேப்டன் மனாபு யாமஷிட்டா தலைமையிலான ஜப்பான் அணியை எதிர்த்துமோதியது மன்பிரீத் சிங் தலைமையிலான இந்திய அணி.
ஆட்டம் தொடங்கிய சிறிது நேரத்திலேயே இந்திய அணி சிறப்பான கோல் அடித்தது.அணியின் ரூபேந்திர பால்சிங் 8-வது நிமிடத்தில் கோல் அடித்து அணியை 1-0 என முன்னிலைப்படுத்தினார். அதற்கு பதிலடியாக ஜப்பான் வீரர் காசுமா முராட்டா 13-வது நிமிடத்தில் கோல் அடித்து சமன் செய்தார்.
அதன்பின் இரு அணியினரும், கோல்அடிக்க கடுமயைாகப் போராடினர். 2-ம் கால்பகுதியில் 43-வது நிமிடத்தில் ஹெய்ட்டா யோஷிகாரா கோல் அடித்து அணியை 2-1 என முன்னிலைப்படுத்தினார். அடுத்த 2 நிமிடத்தில் ஜெங்கி மிதானி கோல் அடிக்க ஜப்பான் 3-1 என்றுமுன்னிலையில் இருந்து.
ஆனால், ஜப்பான் 3-வது கோல் அடித்தவுடன் இந்திய வீரர் மன்தீப்சிங் 45-வது நிமிடத்தில் கோல் அடித்தார். அதன்பின், 51வது, 58-வது நிமிடத்தில் கோல் அடித்து அணியை 4-3 என்று முன்னிலைப்படுத்தினார். இந்த கோலை ஈடு செய்ய ஜப்பான் அணி கடைசி வரை முயன்று முடியாததையடுத்து, 4-3 என்ற கணக்கில் இந்திய அணியிடம் தோல்வி அடைந்தது.
இதையடுத்து, இந்திய 4 போட்டிகளில் விளையாடி ஒரு தோல்வி, ஒரு டிராவுடன் 8 புள்ளிகள் பெற்று முதலிடத்தில் உள்ளது.
சேனலை கிளிக் செய்து பின்தொடரவும்
