ஹர்திக் மரண அடி.. பும்ரா மேஜிக் பவுலிங்.. SA-வை கதறவிட்ட இந்தியா.. T20 தொடரை வென்று அசத்தல்!

தென்னாப்பிரிக்காவுக்கு எதிரான 5வது T20 போட்டியில் அபார வெற்றி பெற்ற இந்திய அணி தொடரை வென்று அசத்தியுள்ளது. ஹர்திக் பாண்ட்யாவின் அதிரடி பேட்டிங்கும், பும்ரா, வருணின் அசத்தல் பவுலிங்கும் இந்தியாவை வெற்றி பெற வைத்தது.

Image Credit : AFP

இந்திய அணி 231 ரன்கள் குவிப்பு

தென்னாப்பிரிக்காவுக்கு எதிரான 5வது மற்றும் கடைசி டி20 போட்டியில் இந்திய அணி 30 ரன்கள் வித்தியாசத்தில் அபார வெற்றி பெற்றுள்ளது. மேலும் 5 போட்டிகள் கொண்ட தொடரையும் 3-1 என்ற கணக்கில் கைப்பற்றி அசத்தியுள்ளது. 

இந்த போட்டியில் முதலில் பேட்டிங் செய்த இந்திய அணி 5 விக்கெட் இழப்பிற்கு 231 ரன்கள் குவித்தது. வெறும் 16 பந்துகளில் அரை சதம் விளாசிய ஹர்திக் பாண்ட்யா 25 பந்துகளில் 5 பவுண்டரி, 5 சிக்சருடன் 63 ரன்கள் விளாசினார்.

Image Credit : BCCI

திலக் வர்மா அட்டகாசம்

திலக் வர்மாவும் 42 பந்துகளில் 10 பவுண்டரி, 1 சிக்சருடன் 73 ரன்கள் அடித்தார். பின்பு இமாலய இலக்கை நோக்கி பேட்டிங் செய்த தென்னாப்பிரிக்கா அணி தொடக்கம் முதலே அதிரடியாக விளையாடியது. தொடக்க வீரர் குயின்டன் டி காக் அர்ஷ்தீப் சிங் ஓவரில் பவுண்டரிகளாக ஓட விட்டார். 

ஆனால் மறுபக்கம் தடுமாறிய ரீசா ஹென்ட்ரிக்ஸ் 13 ரன்னில் வருண் சக்கரவர்த்தி பந்தில் காலியானார். தொடர்ந்து சூப்பராக விளையாடிய குயின்டன் டி காக் 30 பந்துகளில் அரை சதம் அடிக்க, அவருடன் ஜோடி சேர்ந்த டேவால்ட் பிராவிஸ்ஸூம் அதிரடியில் வெளுத்துக் கட்டினார்.

ஜஸ்பிரித் பும்ரா சூப்பர் பவுலிங்

இந்த ஜோடிக்கு முடிவு கட்டிய ஜஸ்பிரித் பும்ரா தனது சூப்பர் பவுலிங்கால் குயின்டன் டி காக்கை (35 பந்தில் 9 பவுண்டரி, 3 சிக்சருடன் 65 ரன்) இதன்பிறகு டேவால்ட் பிராவிஸ்ஸூம் (17 பந்தில் 31 ரன்) பாண்ட்யா பந்தில் கேட்ச் ஆக தென்னாப்பிரிக்கா அணி தடம்புரண்டது. 

பின்பு கேப்டன் மார்க்ரம் (6), பெரேராவை (0) வருண் சக்கரவர்த்தி ஒரே ஓவரில் தூக்கினார். டேவிட் மில்லரும் (18) தாக்குப்பிடிக்கவில்லை. தொடந்து ஜார்ஜ் லிண்டேவும் (16) வருணின் சுழலில் வீழ்ந்தார்.

Image Credit : AFP

ஹர்திக் பாண்ட்யா ஆட்டநாயகன்

கடைசியில் யான்சனும் (14) பும்ராவின் வேகத்தில் வெளியேறினார். தென்னாப்பிரிக்கா அணி 20 ஓவர்களில் 8 விக்கெட் இழந்து 201 ரன்கள் மட்டுமே எடுத்து 30 ரன்கள் வித்தியாசத்தில் தோல்வி அடைந்தது. இந்திய அணி தரப்பில் வருண் சக்கரவர்த்தி 4 விக்கெட்டுகளையும், ஜஸ்பிரித் பும்ரா 4 ஓவரில் 17 ரன் மட்டுமே கொடுத்து 2 விக்கெட்டுகளையும் வீழ்த்தினார்கள்.  ஹர்திக் பாண்ட்யா 1 விக்கெட் வீழ்த்தினார்.

இந்த வெற்றியின் மூலம் இந்திய அணி டி20 தொடரை 3-1 என்ற கணக்கில் கைப்பற்றியது. பேட்டிங்கிலும், பவுலிங்கிலும் ஜொலித்த ஹர்திக் பாண்ட்யா ஆட்டநாயகன் விருது வென்றார். வருண் சக்கரவர்த்தி தொடர் நாயகன் விருது வென்றார்.