ஜார்க்கண்டை வீழ்த்தி இறுதிச்சுற்றில் கால்பதித்தது குஜராத்…
ரஞ்சி கோப்பை கிரிக்கெட்டின் 2-ஆவது அரையிறுதியில் ஜார்க்கண்டை 123 ஓட்டங்கள் வித்தியாசத்தில் வீழ்த்தி குஜராத், இறுதிச்சுற்றுக்கு முன்னேறியது.
கடந்த ஞாயிற்றுக்கிழமை தொடங்கிய ஆட்டத்தில் டாஸ் வென்று முதலில் பேட் செய்த குஜராத், முதல் இன்னிங்ஸில் 126.2 ஓவர்களில் 390 ஓட்டங்கள் எடுத்தது. கிரீத் பஞ்சல் 149 ஓட்டங்கள் விளாசினார்.
ஜார்க்கண்ட் தரப்பில் அஜய், ராகுல் தலா 3 விக்கெட்டுகள் வீழ்த்தினர்.
பின்னர் ஆடிய ஜார்க்கண்ட், முதல் இன்னிங்ஸில் 102 ஓவர்களில் 408 ஓட்டங்கள் குவித்தது. இஷாங்க் ஜக்கி 129 ஓட்டங்கள் எடுத்தார்.
குஜராத் தரப்பில் ஆர்.பி.சிங் 6 விக்கெட்டுகள் வீழ்த்தினார்.
இந்நிலையில் 2-ஆவது இன்னிங்ஸை தொடங்கிய குஜராத், 3-ஆவது நாள் ஆட்டநேர முடிவில் 37 ஓவர்களில் 4 விக்கெட் இழப்புக்கு 100 ஓட்டங்கள் எடுத்திருந்தது. 4-ஆவது நாள் ஆட்டத்தில் ஜுனேஜா 81 ஓட்டங்களில் ஆட்டமிழந்தார்.
ஹர்திக் 6, சிரக் காந்தி 51 ஓட்டங்கள் எடுத்தனர். எஞ்சிய வீரர்கள் சொற்ப ஓட்டங்களில் ஆட்டமிழக்க, 81 ஓவர்களில் 252 ஓட்டங்கள் எடுத்தது குஜராத்.
ஜார்க்கண்ட் தரப்பில் நதீம் 5 விக்கெட்டுகள் வீழ்த்தினார்.
பின்னர் 235 ஓட்டங்களை இலக்காகக் கொண்டு 2-ஆவது இன்னிங்ஸை தொடங்கிய ஜார்க்கண்டில் கெளஷல் சிங் மட்டும் 24 ஓட்டங்கள் எடுத்தார். எஞ்சிய வீரர்கள் மோசமான ஓட்டங்களில் ஆட்டமிழக்க, 41 ஓவர்களில் 111 ஓட்டங்களுக்கு ஆட்டமிழந்தது ஜார்க்கண்ட்.
குஜராத் தரப்பில் பூம்ரா அதிகபட்சமாக 6 விக்கெட்டுகள் வீழ்த்தினார்.
இந்த வெற்றியின் மூலம் குஜராத் அணி இறுதிச்சுற்றுக்கு முன்னேறியுள்ளது.
சேனலை கிளிக் செய்து பின்தொடரவும்
