வில்லியம்சனை கைகாட்டிவிட்ட தோனி..! பிரஸ் மீட்டில் கலகலத்த “தல”
ஐபிஎல் 11வது சீசன் இறுதி கட்டத்தை எட்டிவிட்டது. கடந்த ஒன்றரை மாதத்துக்கும் மேலாக நடந்து வந்த ஐபிஎல் தொடரின் இறுதி போட்டி இன்று நடைபெற உள்ளது. மும்பை வான்கடே மைதானத்தில் நடைபெறும் இறுதி போட்டியில் சென்னை அணியும் ஹைதராபாத் அணியும் மோதுகின்றன.
இறுதி போட்டி இன்று நடைபெற உள்ள நிலையில், இறுதி போட்டியில் மோதும் சென்னை மற்றும் ஹைதராபாத் அணிகளின் கேப்டன்கள் மற்றும் பயிற்சியாளர்கள் நேற்று செய்தியாளர்களை சந்தித்து பேசினர். ஹைதராபாத் அணியின் பயிற்சியாளர் டாம் மூடி, கேப்டன் வில்லியம்சன் மற்றும் சென்னை அணியின் பயிற்சியாளர் ஸ்டீபன் பிளெமிங், கேப்டன் தோனி ஆகியோர் கூட்டாக செய்தியாளர்களை சந்தித்தனர்.
அப்போது, லெக் ஸ்பின்னர்களின் பங்களிப்பு குறித்து தோனியிடம் கேள்வி எழுப்பப்பட்டது. அதற்கு, எங்கள் அணியைவிட நீங்கள் தான் சிறந்த லெக் ஸ்பின்னரை வைத்திருக்கிறீர்கள்; அதனால் நீங்கள் பதில் சொல்லலாம் என வில்லியம்சனை கைகாட்டிவிட்டார் தோனி. தோனி இவ்வாறு சொன்னதும், வில்லியம்சன், டாம் மூடி, பிளெமிங் அனைவருமே சிரித்துவிட்டனர். பிறகு வில்லியம்சன் பேசியதும், லெக் ஸ்பின்னர்களின் முக்கியத்துவம் மற்றும் வெற்றிகளில் லெக் ஸ்பின்னர்களின் பங்களிப்பு குறித்து தோனி கருத்து தெரிவித்தார்.
சேனலை கிளிக் செய்து பின்தொடரவும்
