Brown Mumand Three new national achievements at National Junior Athletic Championship
தேசிய ஜூனியர் தடகள சாம்பியன்ஷிப் போட்டியில் புதிதாக மூன்று தேசிய சாதனைகள் எட்டப்பட்டன.
தேசிய ஜூனியர் தடகள சாம்பியன்ஷிப் போட்டி ஆந்திர பிரதேச மாநிலம், விஜயவாடாவில் நடைபெற்று வருகிறது.
இந்தப் போட்டியில் புதிதாக எட்டப்பட்ட மூன்று தேசிய சாதனைகள்: "18 வயதுக்கு உள்பட்ட சிறுமிகளுக்கான உயரம் தாண்டுதலில் அரியாணாவின் ருபீனா யாதவ் 1.81 மீட்டர் உயரம் தாண்டி தங்கம் வென்றார்.
முன்னதாக, மேற்கு வங்கத்தின் ஸ்வப்னா பர்மன் கடந்த 2013-ல் 1.71 மீட்டர் தாண்டியதே சாதனையாக இருந்தது."
"14 வயதுக்கு உள்பட்ட சிறுவர்களுக்கான நீளம் தாண்டுதல் போட்டியில் பீகாரின் அவினாஷ் குமார் 6.79 மீட்டர் தாண்டி சாதனை படைத்தார்.
முன்னதாக, ஒடிஸாவின் சுனாராம் முர்மு கடந்த 2008-ஆம் ஆண்டு 6.63 மீட்டர் தாண்டியதே அதிகபட்சமாக இருந்தது."
"16 வயதுக்கு உள்பட்ட சிறுமிகளுக்கான ஈட்டி எறிதலில் அரியாணாவின் ஜோதி 41.24 மீட்டர் தூரம் எறிந்து தங்கம் வென்றார்.
முன்னதாக, தமிழகத்தின் ஹேமமாலினி கடந்த 2015-ஆம் ஆண்டு 39.69 மீட்டர் தூரம் எறிந்ததே சாதனையாக இருந்தது."
