ஐசிசி உலக டெஸ்ட் சாம்பியன்ஷிப் ஃபைனல்: சாஸ்திரியின் கருத்தை வழிமொழியும் யுவராஜ் சிங்
ஐசிசி உலக டெஸ்ட் சாம்பியன்ஷிப்பில் சாம்பியனை தீர்மானிக்க 3 இறுதி போட்டிகள் நடத்தப்பட வேண்டும் என யுவராஜ் சிங் கருத்து தெரிவித்துள்ளார்.
ஒருநாள் மற்றும் டி20 கிரிக்கெட்டில் உலக கோப்பை தொடர்களை நடத்திவந்த ஐசிசி, முதல் முறையாக டெஸ்ட் கிரிக்கெட்டிலும் சாம்பியன்ஷிப் தொடரை நடத்திவருகிறது. கடந்த 2019 ஆஷஸ் தொடரிலிருந்து நடத்தப்பட்ட அனைத்து டெஸ்ட் தொடர்களும் டெஸ்ட் சாம்பியன்ஷிப்புக்கானது.
ஒவ்வொரு அணியும் 6 டெஸ்ட் தொடர்களை ஆடியது. அதன் முடிவில் புள்ளி பட்டியலில் முதலிரண்டு இடங்களை பிடித்த அணிகள் இறுதி போட்டியில் மோதும். அந்தவகையில், புள்ளி பட்டியலில் முதலிரண்டு இடங்களை பிடித்த இந்தியா மற்றும் நியூசிலாந்து ஆகிய 2 அணிகளும் சவுத்தாம்ப்டனில் வரும் 18-22ல் நடக்கும் டெஸ்ட் சாம்பியன்ஷிப் ஃபைனலில் மோதுகின்றன.
அந்த ஃபைனலில் வெல்லும் அணி டெஸ்ட் சாம்பியன். ஆனால் டெஸ்ட் சாம்பியனை தீர்மானிக்க ஒரு ஃபைனல் போதாது; குறைந்தது 3 போட்டிகளையாவது நடத்தித்தான் சாம்பியனை தீர்மானிக்க வேண்டும் என்று இந்திய அணியின் தலைமை பயிற்சியாளர் ரவி சாஸ்திரி கருத்து கூறியிருந்தார்.
அதே கருத்தைத்தான் யுவராஜ் சிங்கும் கூறியிருக்கிறார். இதுகுறித்து கருத்து தெரிவித்துள்ள யுவராஜ் சிங், இதுமாதிரியான சூழலில் 3 போட்டிகள் தேவை. முதல் போட்டியில் தோற்றால், அடுத்த 2 போட்டிகளில் மீளமுடியும். நியூசிலாந்து அணி ஃபைனலுக்கு முன், இங்கிலாந்தில் 2 டெஸ்ட் போட்டிகளில் ஆடிவருகிறது. இது இந்திய அணிக்கு சற்று பின்னடைவாக அமையும். ஃபைனலுக்கு முன் நியூசிலாந்து ஆடும் 2 ஆட்டங்கள் அந்த அணிக்கு கூடுதல் அனுகூலமாக அமையும் என்று யுவராஜ் சிங் கருத்து கூறியுள்ளார்.
சேனலை கிளிக் செய்து பின்தொடரவும்
