கடைசி போட்டியில் தோற்ற இந்தியா: 17 ஆண்டுகளுக்குப் பிறகு முதல் முறையாக டி20 தொடரை கைப்பற்றிய வெஸ்ட் இண்டீஸ்!
இந்தியாவிற்கு எதிரான கடைசி டி20 போட்டியில் வெஸ்ட் இண்டீஸ் அணி 8 விக்கெட் வித்தியாசத்தில் வெற்றி பெற்று தொடரை கைப்பற்றியது.
Followவெஸ்ட் இண்டீஸில் சுற்றுப்பயணம் மேற்கொண்ட இந்திய அணி முதலில் 1-0 என்று டெஸ்ட் தொடரை கைப்பற்றியது. அதன் பிறகு 2-1 என்று ஒரு நாள் தொடரை கைப்பற்றியது. இதையடுத்து 5 டி20 போட்டிகள் கொண்ட தொடர் நடந்து வருகிறது. இதில், முதலில் 2 போட்டிகளில் வெஸ்ட் இண்டீஸ் அணி வெற்றி பெற்று தொடரில் முன்னிலை பெற்றது. அதன் பிறகு நடந்த 2 போட்டிகளிலும் இந்தியா வெற்றி பெற்று தொடரை சமன் செய்தது.
இதையடுத்து தொடரை தீர்மானிக்கும் கடைசி மற்றும் 5ஆவது டி20 போட்டி நேற்று இரவு 8 மணிக்கு நடந்தது. இதில், டாஸ் வென்ற இந்திய அணி டாஸ் வென்று முதலில் பேட்டிங் ஆடியது. இந்திய அணிக்கு யஷஸ்வி ஜெய்ஸ்வால் (5) மற்றும் சுப்மன் கில் (9) இருவரும் சொற்ப ரன்களில் ஆட்டமிழந்து அதிர்ச்சி அளித்தனர். அதன் பிறகு வந்த சூர்யகுமார் யாதவ் மற்றும் திலக் வர்மா இருவரும் நிதானமாக ரன் குவிப்பில் ஈடுபட்டனர். இந்த ஜோடி 3 ஆவது விக்கெட்டிற்கு 49 ரன்கள் சேர்த்தனர். திலக் வர்மா 27 ரன்களில் ஆட்டமிழந்து வெளியேறினார்.
WI vs IND 5th Test: இந்தியா பேட்டிங்: ஹாட்ரிக் வெற்றி பெற்று தொடரை கைப்பற்றுமா இந்தியா?
வெஸ்ட் இண்டீஸ்:
பிராண்டன் கிங், கைல் மேயர்ஸ், ஷாய் ஹோப், நிக்கோலஸ் பூரன் (விக்கெட் கீப்பர்), ரோவ்மன் பவல் (கேப்டன்), ஷிம்ரன் ஹெட்மயர், ஜேசன் ஹோல்டர், ரொமாரியா ஷெப்பர்டு, ஓடியன் ஸ்மித், அகீல் ஹூசைன், அல்சார் ஜோசஃப்.
இந்தியா:
யஷஸ்வி ஜெஸ்வால், சுப்மன் கில், சூர்யகுமார் யாதவ், திலக் வர்மா, ஹர்திக் பாண்டியா (கேப்டன்), சஞ்சு சாம்சன் (விக்கெட் கீப்பர்), அக்ஷர் படேல், குல்தீப் யாதவ், அர்ஷ்தீப் சிங், யுஸ்வேந்திர சகால், முகேஷ் குமார்.
WI vs IND 5th T20 Match: டி20 தொடர் யாருக்கு? இந்தியாவா? வெஸ்ட் இண்டீஸா?
இதையடுத்து வந்த சஞ்சு சாம்சன் கிடைக்கும் வாய்ப்பையெல்லாம் தவறவிட்டு வருகிறார். கடந்த போட்டியில் களமிறங்காத சாம்சன், இந்தப் போட்டியில் 13 ரன்களில் ஆட்டமிழந்தார். கேப்டன் ஹர்திக் பாண்டியா 14 ரன்களில் வெளியேறினார். அக்ஷர் படேல் 13 ரன்களில் ஆட்டமிழந்தார். அர்ஷ்தீப் சிங் சிக்ஸர் அடித்த நிலையில், அடுத்த பந்தில் கிளீன் போல்டானார். குல்தீப் யாதவ் டக் அவுட்டில் ஆட்டமிழந்தார். கடைசியாக அக்ஷர் படேல் 13 ரன்களில் ஆட்டமிழக்க, முகேஷ் குமார் பவுண்டரி அடித்ததன் மூலமாக இந்தியா 20 ஓவர்களில் 9 விக்கெட் இழந்து 165 ரன்கள் எடுத்தது.
எல்இடி ஸ்டெம்புகள் விலை தெரியுமா? 10க்கும் மேற்பட்ட ஆப்பிள் ஐபோன் 14 ப்ரோ மேக்ஸ் விலையை விட அதிகமா?
போட்டியின் 15.5 ஆவது ஓவரின் போது மழை குறுக்கீடு இருந்தது. சிறிது நேரத்திற்கு பிறகு மீண்டும் போட்டி தொடங்கியது. இதே போன்று போட்டியின் 19. 4ஆவது ஓவரில் மழை குறுக்கீடு இருந்தது. சிறிது நேரத்திற்குப் பிறகு போட்டி மீண்டும் தொடங்கப்பட்டது. இறுதியாக இந்தியா 165 ரன்கள் மட்டுமே எடுத்தது.
பின்னர் எளிய இலக்கை துரத்திய வெஸ்ட் இண்டீஸ் அணிக்கு கைல் மேயர்ஸ் 8 ரன்களில் ஆட்டமிழந்து வெளியேறினார். அடுத்து வந்த நிக்கோலஸ் பூரன் 35 பந்துகளில் 4 சிக்ஸர்கள், ஒரு பவுண்டரி உள்பட 47 ரன்கள் எடுத்து ஆட்டமிழந்தார். தொடக்க வீரர் பிராண்டன் கிங் கடைசி வரை அதிரடியாக விளையாடி 55 பந்துகளில் 6 சிக்ஸர்கள், 5 பவுண்டர்கள் உள்பட 85 ரன்கள் குவித்து ஆட்டமிழக்காமல் இருந்தார். ஷாய் ஹோப் 22 ரன்கள் சேர்த்தார். இதன் மூலமாக வெஸ்ட் இண்டீஸ் அணி 18 ஓவர்களில் 2 விக்கெட் இழப்பிற்கு 171 ரன்கள் சேர்த்து 8 விக்கெட் வித்தியாசத்தில் வெற்றி பெற்று தொடரையும் 3-2 என்ற கணக்கில் கைப்பற்றியது.
ஸ்பின் ஓவர்களில் ரன்கள் குவிக்க தவறியதே தோல்விக்கு காரணம் – ரோவ்மன் பவல்!
மேலும், 17 ஆண்டுகளுக்குப் பிறகு முதல் முறையாக இந்தியாவிற்கு எதிராக டி20 தொடரை வெஸ்ட் இண்டீஸ் அணி கைப்பற்றியுள்ளது. இந்திய அணியைப் பொறுத்த வரையில் சஞ்சு சாம்சன், சுப்மன் கில் மற்றும் சூர்யகுமார் யாதவ் ஆகியோர் மட்டுமே பந்துவீசவில்லை. மற்ற வீரர்கள் யஷஸ்வி ஜெய்ஸ்வால், திலக் வர்மா ஆகியோர் பந்து வீசினர். இதில், திலக் வர்மா தனது முதல் சர்வதேச போட்டி விக்கெட்டை கைப்பற்றினார். எனினும், 2 ஓவர்கள் வீசி ஒரு விக்கெட் உள்பட 17 ரன்கள் கொடுத்தார். யஷஸ்வி ஜெய்ஸ்வால் ஒரு ஓவர் வீசி 11 ரன்கள் கொடுத்தார்.
சேனலை கிளிக் செய்து பின்தொடரவும்
