ஆர்சிபிக்கு எதிரான போட்டியில் டாஸ் வென்ற சன்ரைசர்ஸ் ஹைதராபாத் கேப்டன் கேன் வில்லியம்சன் ஃபீல்டிங்கை தேர்வு செய்தார்.
ஐபிஎல் 15வது சீசனில் மும்பை ப்ரபோர்ன் மைதானத்தில் நடக்கும் இன்றைய போட்டியில் ஆர்சிபியும் சன்ரைசர்ஸ் ஹைதராபாத்தும் மோதுகின்றன. ஆர்சிபி மற்றும் சன்ரைசர்ஸ் ஆகிய 2 அணிகளுமே இந்த சீசனில் அபாரமாக விளையாடி வெற்றிகளை குவித்துவருகின்றன. இதுவரை ஆர்சிபி ஆடிய 7 போட்டிகளில் 5 வெற்றிகளையும், சன்ரைசர்ஸ் அணி 6 போட்டிகளில் 4 வெற்றிகளையும் பெற்றுள்ளன.
இன்றைய போட்டியில் இரு அணிகளுமே வெற்றிப்பயணத்தை தொடரும் முனைப்பில் களமிறங்கியுள்ளன. டாஸ் வென்ற சன்ரைசர்ஸ் கேப்டன் கேன் வில்லியம்சன் ஃபீல்டிங்கை தேர்வு செய்தார். இந்த சீசனில் இது சன்ரைசர்ஸ் அணிக்கு 7வது போட்டி. இதற்கு முந்தைய 6 போட்டிகளிலும் டாஸ் ஜெயித்த சன்ரைசர்ஸ் கேப்டன் கேன் வில்லியம்சன், தொடர்ச்சியாக 7வது போட்டியிலும் டாஸ் ஜெயித்தார்.
இரு அணிகளின் ஆடும் லெவன் காம்பினேஷனிலும் எந்த மாற்றமும் செய்யப்படவில்லை. கடந்த போட்டிகளில் ஆடிய அதே காம்பினேஷனுடன் தான் களமிறங்கியுள்ளன.
சன்ரைசர்ஸ் ஹைதராபாத் அணி:
அபிஷேக் ஷர்மா, கேன் வில்லியம்சன் (கேப்டன்), ராகுல் திரிபாதி, எய்டன் மார்க்ரம், நிகோலஸ் பூரன், ஷஷான்க் சிங், ஜெகதீசா சுஜித், மார்கோ யான்சென், புவனேஷ்வர் குமார், உம்ரான் மாலிக், டி.நடராஜன்.
ஆர்சிபி அணி:
அனுஜ் ராவத், ஃபாஃப் டுப்ளெசிஸ் (கேப்டன்), விராட் கோலி, க்ளென் மேக்ஸ்வெல், சுயாஷ் பிரபுதேசாய், ஷபாஸ் அகமது, தினேஷ் கார்த்திக், ஹர்ஷல் படேல், வனிந்து ஹசரங்கா, ஜோஷ் ஹேசில்வுட், முகமது சிராஜ்.
