கேகேஆருக்கு எதிரான போட்டியில் டாஸ் வென்ற சன்ரைசர்ஸ் அணி ஃபீல்டிங்கை தேர்வு செய்துள்ளது.
ஐபிஎல் 15வது சீசன் விறுவிறுப்பாக நடந்துவரும் நிலையில், இன்றைய போட்டியில் சன்ரைசர்ஸ் ஹைதராபாத் மற்றும் கேகேஆர் அணிகள் மோதுகின்றன.
முதல் 2 போட்டிகளில் தோற்ற சன்ரைசர்ஸ் அணி, அடுத்த 2 போட்டிகளில் அபார வெற்றி பெற்ற நிலையில், வெற்றி பயணத்தை தொடரும் முனைப்பில் இந்த போட்டியில் களமிறங்கியுள்ளது. 5 போட்டிகளில் 3 வெற்றிகளுடன் இந்த சீசனில் சிறப்பாக ஆடிவரும் கேகேஆர் அணி, தொடர்ச்சியாக சிறந்த ஆட்டத்தை வெளிப்படுத்தி வெற்றி பெறும் முனைப்பில் களமிறங்கியுள்ளது.
மும்பை ப்ரபோர்ன் மைதானத்தில் நடக்கும் இந்த போட்டியில் டாஸ் வென்ற சன்ரைசர்ஸ் ஹைதராபாத் அணி கேப்டன் கேன் வில்லியம்சன் ஃபீல்டிங்கை தேர்வு செய்தார்.
சன்ரைசர்ஸ் அணியில் ஒரேயொரு மாற்றம் செய்யப்பட்டுள்ளது. வாஷிங்டன் சுந்தர் காயத்தால் ஆடாததால் அவருக்கு பதிலாக ஜெகதீசா சுஜித் சேர்க்கப்பட்டுள்ளார்.
சன்ரைசர்ஸ் ஹைதராபாத் அணி:
கேன் வில்லியம்சன் (கேப்டன்), அபிஷேக் ஷர்மா, ராகுல் திரிபாதி, எய்டன் மார்க்ரம், நிகோலஸ் பூரன், ஷஷான்க் சிங், ஜெகதீசா சுஜித், புவனேஷ்வர் குமார், மார்கோ யான்சென், உம்ரான் மாலிக், டி.நடராஜன்.
கேகேஆர் அணியில் 3 மாற்றங்கள் செய்யப்பட்டுள்ளன. அஜிங்க்யா ரஹானேவிற்கு பதிலாக டாப் ஆர்டர் பேட்ஸ்மேனாக ஆரோன் ஃபின்ச் சேர்க்கப்பட்டுள்ளார். விக்கெட் கீப்பர் சாம் பில்லிங்ஸுக்கு பதிலாக ஷெல்டான் ஜாக்சனும், ராசிக் சலாமிற்கு பதிலாக அமான் ஹக்கீம் கானும் சேர்க்கப்பட்டுள்ளனர்.
கேகேஆர் அணி:
வெங்கடேஷ் ஐயர், ஆரோன் ஃபின்ச், ஷ்ரேயாஸ் ஐயர் (கேப்டன்), நிதிஷ் ராணா, ஆண்ட்ரே ரசல், ஷெல்டான் ஜாக்சன் (விக்கெட் கீப்பர்), பாட் கம்மின்ஸ், சுனில் நரைன், அமான் ஹக்கீம் கான், உமேஷ் யாதவ், வருண் சக்கரவர்த்தி.
