SA vs WI: ரோவ்மன் பவல் சிக்ஸர் மழையால் கடின இலக்கை அடித்து வெஸ்ட் இண்டீஸ் அபார வெற்றி
தென்னாப்பிரிக்காவுக்கு எதிரான முதல் டி20 போட்டியில் வெஸ்ட் இண்டீஸ் அணி 3 விக்கெட் வித்தியாசத்தில் வெற்றி பெற்று 1-0 என தொடரில் முன்னிலை வகிக்கிறது.
வெஸ்ட் இண்டீஸ் அணி தென்னாப்பிரிக்காவில் சுற்றுப்பயணம் செய்து கிரிக்கெட் தொடரில் ஆடிவருகிறது. 2 போட்டிகள் கொண்ட டெஸ்ட் தொடரை 2-0 என வெஸ்ட் இண்டீஸை ஒயிட்வாஷ் செய்து தென்னாப்பிரிக்கா வென்றது.
3 போட்டிகள் கொண்ட ஒருநாள் தொடர் 1-1 என சமனில் முடிந்தது. அதைத்தொடர்ந்து டி20 தொடர் தொடங்கி நடந்துவருகிறது. முதல் டி20 போட்டி இன்று செஞ்சூரியனில் நடந்தது. இந்த போட்டியில் டாஸ் வென்ற வெஸ்ட் இண்டீஸ் அணி ஃபீல்டிங்கை தேர்வு செய்தது.
வெஸ்ட் இண்டீஸ் அணி:
கைல் மேயர்ஸ், பிரண்டன் கிங், ஜான்சன் சார்லஸ், நிகோலஸ் பூரன் (விக்கெட் கீப்பர்), ரோவ்மன் பவல் (கேப்டன்), ரோஸ்டான் சேஸ், ரொமாரியோ ஷெஃபெர்டு, அகீல் ஹுசைன், ஒடீன் ஸ்மித், ஷெல்டான் காட்ரெல், அல்ஸாரி ஜோசஃப்.
IPL 2023: ஜானி பேர்ஸ்டோவுக்கு மாற்றாக ஆஸி., அதிரடி ஆல்ரவுண்டரை தட்டி தூக்கியது பஞ்சாப் கிங்ஸ்
தென்னாப்பிரிக்கா அணி:
குயிண்டன் டி காக் (விக்கெட் கீப்பர்), ரீஸா ஹென்ரிக்ஸ், ரைலீ ரூசோ, எய்டன் மார்க்ரம் (கேப்டன்), டேவிட் மில்லர், ஹென்ரிச் கிளாசன், வைன் பார்னெல், சிசாண்டா மகளா, ஃபார்ச்சூன், அன்ரிக் நோர்க்யா, டப்ரைஸ் ஷம்ஸி.
மழை காரணமாக ஆட்டம் தாமதமாக தொடங்கப்பட்டதால் 11 ஓவர்களாக குறைக்கப்பட்டது. முதலில் பேட்டிங் ஆடிய தென்னாப்பிரிக்க அணியின் தொடக்க வீரர் குயிண்டன் டி காக் முதல் பந்திலேயே கோல்டன் டக் அவுட்டானார். மற்றொரு தொடக்க வீரரான ரீஸா ஹென்ரிக்ஸ் 12 பந்தில் 2 சிக்ஸருடன் 21 ரன்கள் அடித்தார். மிடில் ஆர்டரில் டேவிட் மில்லர் காட்டடி அடித்து 22 பந்தில் 4 பவுண்டரிகள் மற்றும் 3 சிக்ஸர்களுடன் 48 ரன்களை விளாசி அரைசதத்தை தவறவிட்டு ஆட்டமிழந்தார். சிசாண்டா 5 பந்தில் 2 சிக்ஸர்களுடன் 18 ரன்களை விளாச, 11 ஓவரில் 131 ரன்களை குவித்தது தென்னாப்பிரிக்க அணி.
IPL 2023: டேவிட் வார்னர் தலைமையிலான டெல்லி கேபிடள்ஸ் அணியின் வலுவான ஆடும் லெவன்..! மிரட்டலான டீம்
11 ஓவரில் 132 ரன்கள் என்ற கடின இலக்கை விரட்டிய வெஸ்ட் இண்டீஸ் அணியின் தொடக்க வீரர் பிரண்டன் கிங் 8 பந்தில் 2 பவுண்டரிகள் மற்றும் 2 சிக்ஸர்களுடன் 23 ரன்கள் அடித்தார். ஜான்சன் சார்லஸ் 14 பந்தில் 28 ரன்கள் அடித்தார். நிகோலஸ் பூரன் 7 பந்தில் 3 பவுண்டரிகளுடன் 16 ரன்கள் அடித்து ஆட்டமிழந்தார். அதன்பின்னர் ரொமாரியோ ஷெஃபெர்டு(3), ஒடீன் ஸ்மித்(5), அகீல் ஹுசைன் (0) ஆகிய மூவரும் ஒருமுனையில் ஆட்டமிழக்க, மறுமுனையில் நிலைத்து நின்று அடித்து ஆடிய 18 பந்தில் 5 சிக்ஸர்களுடன் 43 ரன்களை விளாச, கடைசி ஓவரில் இலக்கை அடித்து 3 விக்கெட் வித்தியாசத்தில் வெற்றி பெற்று 1-0 என தொடரில் முன்னிலை வகிக்கிறது.
சேனலை கிளிக் செய்து பின்தொடரவும்
