ரோஹித் சர்மா தான் உலகின் மிகச்சிறந்த பேட்ஸ்மேன்..! இந்திய முன்னாள் வீரர் அதிரடி

ரோஹித் சர்மா தான் உலகின் சிறந்த பேட்ஸ்மேன் என்று இந்திய முன்னாள் வீரர் ரிதீந்தர் சோதி தெரிவித்துள்ளார். 

இந்நிலையில், அந்த மாதிரியான விமர்சனங்களுக்கு, 2ம் நாள் ஆட்ட முடிவில் செய்தியாளர்களை சந்தித்தபோது பதிலளித்தார் ரோஹித் சர்மா. தனது ஷாட் குறித்த விமர்சனங்களுக்கு பதிலளித்த ரோஹித் சர்மா, எவ்வளவு தூரம் அடிக்க நினைத்தேனோ அந்த ஷாட்டில் அந்து தூரம் கிடைத்தது. ஆனால் எங்கு அடிக்க நினைத்தேனோ அங்குதான் பந்து சரியாக செல்லவில்லை. லாங் ஆன் மற்றும் டீல் ஸ்கொயர் லெக் திசைக்கு இடையே அடிக்க நினைத்தேன். நான் எப்படி அடிக்க நினைத்தேனோ அது சரியாக கனெக்ட் ஆகவில்லை. ஆனால் நான் ஆடிய விதம் எனக்கு மகிழ்ச்சியளிக்கிறது. அந்த ஷாட்டிற்காக நான் வருந்தவில்லை. நான் களத்தில் நிலைத்த பின்னர், அடித்து ஆடி பவுலர்கள் மீது அழுத்தம் போடுவதுதான் இந்த அணியில் எனது பணி. அதைத்தான் செய்தேன். அதனால் வருந்தவில்லை என்று ரோஹித் சர்மா நெற்றிப்பொட்டில் அடித்தாற்போல சொல்லிவிட்டார்.

விராட் கோலி, கேன் வில்லியம்சன், ஸ்டீவ் ஸ்மித், ஜோ ரூட் ஆகியோர் தான் சமகாலத்தின் சிறந்த பேட்ஸ்மேன்கள் என்று மதிப்பிடப்படுகின்றனர். 

ஒருநாள் கிரிக்கெட்டில் 3 இரட்டை சதங்கள், டெஸ்ட் கிரிக்கெட்டில் இரட்டை சதம் மற்றும் சதங்கள் விளாசி நல்ல தொடக்க வீரராக தன்னை நிலைநிறுத்திவிட்ட போதிலும், ரோஹித் சர்மா, கோலி அளவிற்கு மதிப்பிடப்படுவதில்லை. கோலி தான் சிறந்த வீரராக மதிப்பிடப்படுகிறார்.

ஆனால் இந்திய அணியின் முன்னாள் வீரர் ரிதீந்தர் சோதி, ரோஹித் சர்மா தான் உலகின் சிறந்த பேட்ஸ்மேன் என்று கூறியுள்ளார். இந்திய அணி இங்கிலாந்தில் இங்கிலாந்துக்கு எதிராக 5 டெஸ்ட் போட்டிகள் கொண்ட தொடரில் ஆடவுள்ள நிலையில், அந்த தொடர் குறித்து பேசிய ரிதீந்தர் சோதி, இந்திய அணி இங்கிலாந்துக்கு எதிரான டெஸ்ட் தொடரில் ரோஹித் சர்மா, விராட் கோலி, புஜாரா ஆகிய 3 பேட்ஸ்மேன்களைத்தான் அதிகமாக சார்ந்திருக்கிறது. பேட்டிங் நேர்த்தியை பொறுத்தமட்டில் ரோஹித் சர்மா தான் உலகின் மிகச்சிறந்த பேட்ஸ்மேன். 

ஆரம்பத்தில் டெஸ்ட் கிரிக்கெட்டில் ரோஹித் திணறினாலும், தொடக்க வீரராக சிறப்பாக ஆடி தனக்கான இடத்தை பிடித்துவிட்டார். ஓபனிங்கில் அவர் மிகவும் ஸ்பெஷலான வீரர். எதிரணியிடமிருந்து மேட்ச்சை பறித்துவிடக்கூடிய திறன் பெற்றவர் என்று ரிதீந்தர் சோதி தெரிவித்துள்ளார்.