இங்கிலாந்துக்கு எதிரான முதல் டெஸ்ட் போட்டியில் இந்திய அணி எந்த 11 வீரர்களுடன் களமிறங்கும் என்ற உத்தேச அணியை பார்ப்போம்.
விராட் கோலி தலைமையிலான இந்திய அணி இங்கிலாந்து மண்ணில் இங்கிலாந்துக்கு எதிராக 5 டெஸ்ட் போட்டிகள் கொண்ட தொடரில் ஆடுகிறது. கடந்த 2018ம் ஆண்டு இங்கிலாந்து சுற்றுப்பயணத்தில் டெஸ்ட் தொடரை இழந்த இந்திய அணி, இந்த முறை டெஸ்ட் தொடரை வெல்லும் முனைப்பில் உள்ளது.
முதல் டெஸ்ட் போட்டி வரும் ஆகஸ்ட் 4ம் தேதி நாட்டிங்காமில் தொடங்குகிறது. அந்த போட்டியில் களமிறங்கும் இந்திய அணியின் உத்தேச ஆடும் லெவனை பார்ப்போம்.
ரோஹித் சர்மா மற்றும் மயன்க் அகர்வால் ஆகிய இருவரும் தொடக்க வீரர்களாக இறங்குவார்கள். 3ம் வரிசையில் புஜாரா, 4ம் வரிசையில் கோலி, 5ம் வரிசையில் ரஹானே என்பது அணியின் நிரந்தர பேட்டிங் ஆர்டர்.
6ம் வரிசையில் கேஎல் ராகுலும், 7ம் வரிசையில் விக்கெட் கீப்பர் ரிஷப் பண்ட்டும் பேட்டிங் ஆடுவார்கள். ஸ்பின்னராக ஸ்பின் ஆல்ரவுண்டர் ரவீந்திர ஜடேஜா ஆடுவார். ஃபாஸ்ட் பவுலர்களாக பும்ரா, ஷமி, இஷாந்த் சர்மா ஆகிய மூவரும் ஆடுவார்கள் என்று எதிர்பார்க்கப்படுகிறது.
இங்கிலாந்துக்கு எதிரான முதல் டெஸ்ட் போட்டிக்கான உத்தேச இந்திய அணி:
ரோஹித் சர்மா, மயன்க் அகர்வால், புஜாரா, விராட் கோலி(கேப்டன்), அஜிங்க்யா ரஹானே(துணை கேப்டன்), கேஎல் ராகுல், ரிஷப் பண்ட்(விக்கெட் கீப்பர்), ரவீந்திர ஜடேஜா, இஷாந்த் சர்மா, முகமது ஷமி, ஜஸ்ப்ரித் பும்ரா.
